Потребни состојки:
1 пакување розен кори
За Крем:
1,5 литар млеко
2 пудинзи од чоколадо
200 г шеќер
4 лажици брашно
2 лажици густин
300 г чоколадо за готвење
250 г млечно Милка чоколадо
3 ванилин шеќер
200 г путер/маргарин
За Глазура:
50 г путер/маргарин
50 г Милка чоколадо
100 мл слатка павлака
Постапка:
Загрејте литар млеко додека да зоврие, па полека со мешање додадете ги преостанатите половина литар млеко промешано со пудинг, брашно, густин и шеќер.
Кога кремот ќе згусне тргнете од оган и додадете го чоколадото искршено на коцки. Прво мешајте со лажица додека чоколадото да се растопи, а потоа неколку минути со миксер.
Прелијте во сад во кој ќе се лади и прекријте со проѕирна фолија.
Путерот изматете го со ванилин шеќер и додадете во изладениот крем.
Премачкајте ги розен корите, редете една врз друга, па оставете во фрижидер да излади неколку часа. Потоа прелијте со глазура од чоколадо, путер и слатка павлака, растопени на пареа.
coolinarika.com
