Потребни состојки:
500 г брашно
1 лажичка сол
4 лажици масло
260 мл млака вода
За фил:
400 г свежо сирење
150 г јогурт
3 јајца
Сол по вкус
Постапка:
Во брашното додадете сол и масло па добро замесете со постепено додавање на водата додека да добиете меко тесто и да се појават меурчиња.
Премачкајте го со масло, поклопете го во садот и оставете го тестото да одмора.
За фил: помешајте ги сите наведени состојки и посолете по потреба.
Тестото префлете го на работна побрашнета работна површина, развлечете го, па префрлете го на чаршав. Премачкајте го со масло и оставете да отстои за да може полесно да се тегне.
Полека и внимателно со прстите тегнете ја кората и внимавајте да не ви се кине. Растресено нанесете фил, па виткајте помагајќи се со чаршавот, така што ќе го подигате а кората сама ќе се витка. За пита виткајте ја во круг во ткалезна тепсија, а можете да правите и банички.
Повторно малку наросете ги со масло. Се печат од 220 -180 на крај некои 30-тина минути.
Откако ќе изладат баничките можете и да ги замрзнете, па кога ќе ви се пријаде само одмрзнете во микробранова печка или во тава малку наросени со вода, поклопете, превртете еднаш-двапати и тоа е тоа.
Recepti.com
