Овошна салата МИЛИОНЕР ЧИСКЕЈК…Секој залак се топи во уста…хит за ова лето…Може да се подготви 1-2 дена претходно, само прекријте ја со проѕирна фолија и оставете ја во фрижидер.
Пред послужувањето декорирајте ја со шлаг со овошје…Не го пропуштајте и брзиот рецепт на Рената Трајчевска со основни состојки…Еве што ви е потребно:
БРЗА И ЛЕСНА: Овошна торта без печење, за половина час е готова
ПОТРЕБНИ СОСТОЈКИ:
За основа – 1.предлог:
400 г мелени плазма бисквити,
200 г растопен путер и
1 портокал – сок.
За фил – 1.предлог:
500 мл течна павлака (хопла),
120 г шеќер,
500 г крем сирење маскарпоне,
2 лажици ванилин екстракт,
20 г желатин,
10 лажици ладна вода и
100 мл врело млеко
Шлаг и овошна салата за декорација
Постапката за предлог 1 од Рената можете да ја прочитате на линкот погоре.
За основа – 2.предлог
125 г путер
90 г бело чоколадо
120 г експандиран ориз
30 г кокосово брашно
За фил – 2.предлог:
500 г маскарпоне или друго крем сирење
400 г кондензирано млеко (брз рецепт –ОВДЕ)
3 лажици свеж сок од лимон
50 г растопен путер
1 лажица желатин растопен во 2 лажици топла вода, па изладен
350 г пудинг од лимон (или крем од лимон* – рецепт подолу)
600 мл слатка павлака за шлаг (300 + 300)
за декорација овошна салата
ПОСТАПКА за предлог 2(за калап 20х30 см):
1.Путерот и чоколадото растопете ги на пареа, па додајте го експандираниот ориз и кокосот, па промешајте додека да се соедини. Смесата рапоредете ја на дното од претходно приготвен калап. Оставете во фрижидер 10-15 минути.
2.Пенасто изматете го крем сирењето. Додајте кондензирано млеко, лимонов сок, растопен желатин и путер.
3.Помешајте со кремот од лимон и половина од изматениот шлаг од слатката павлака. Распоредете врз базата и по желба одозгора наредете ананас од конзерва (не мора). Оставете во фрижидер 6 часа или преку ноќ.
4.Пред послужување декорирајте со остатокот од шлагот и сечкана овошна салата. Постапката погледнете ја ОВДЕ, а под видеото можете да прочитате како се подготвува лимонов крем (наместо пудинг).
КРЕМ ОД ЛИМОН – РЕЦЕПТ
Потребни состојки:
4 жолчки
135 г шеќер (3/4 чаша)
1 лажица рендана кора од лимон (од 1 лимон)
80 мл сок од лимон (од 2-3 лимони, или 1/3 чаша)
1 прстофат сол
85 г несолен путер (6 лажици)
Постапка:
1.На пареа изматете ги жолчките со прстофат сол, шеќер, сок и рендана кора од лимон. Непрекинато мешајте додека смесата да згусне, 10 минути.
2.Додајте го путерот, тргнете го садот од оган и мешајте додека да се растопи и соедини. Оставете да се олади со повремено промешување за да не фати коричка.
