Колачот ми е омилен зошто целиот е кремаст.
Потребни состојки:
6 јајца
110 г шеќер
5 лажици какао
100 г брашно
1 прашок за печиво
150 мл млеко
150 мл масло
Пудинг крем од ванила
850 мл млеко
2 пудинзи со вкус на ванила
90 г шеќер
1 ванилин шеќер
125 г путер
Пудинг крем од чоколадо
850 мл млеко
2 пудинзи со вкус на чоколадо
80 г шеќер
100 г млечно чоколадо
Постапка:
На белките додадете им прстофат сол и измиксајте ги во цврст снег. Жолчките пенасто измиксајте ги со шеќер. Додадете какао, кратко измиксајте па додадете млеко и масло.
Потоа додадете брашно и прашок за печиво, па лесно промешајте. На крајот со лажица спојте со снегот од белки и внимавајте смесата да остане воздушеста.
Смесата излијте ја во намастен и побрашнет калап за печење (25х35см) и печете 15-20 минути на температура од 180 °C. Со чепкалка проверете дали тестото е печено.
Крем од ванила: сварете ги пудинзите според упатството заедно со шеќерот. Тргнете од оган па додадете путер исечкан на коцки и мешајте додека да се растопи и спои со пудингот. Топлиот крем излејте го преку бисквитот.
Крем од чоколадо: пригответе исто како и ванилата, само наместо путер додадете чоколадо искршено на коцки. Чоколадниот крем излејте го преку кремот од ванила.
Колачот пред послужување изладете го прво на собна температура, а потоа и во фрижидер.
