Ова е вистинскиот рецепт не само за бурек, туку и за сите други пити кои се прават до домашни кори. Тестото излегува супер и еластично и многу добро се развлекува или тегне. Што се однесува до филот, бурекот обично се филува во месо кое може но и не мора претходно да се динста, но вие може да филувате со што сакате. Еве што ви е потребно:
ПОТРЕБНИ СОСТОЈКИ: 500 г меко брашно, 300 мл млака вода, 50 мл масло, малку сол, 600 г мелено месо, 1 помала главица црвен кромид и залини по вкус: сол, мелен црн пипер, сув зеленчуков зачин (вегета…)
ПОСТАПКА: Ова тесто не се замесува со квасец, туку само од вода, масло и брашно, па бидејќи не треба да стасува и да ферментира, постапката е многу побрза од вообичаено. Само земете еден поголем сад за месење, истурете го брашното и додајте ги другите состојки.
Измешајте го со лажица или со рака додека да стане компактно, а потоа истресете го на работна површина и месете доволно долго додека да стане мазно и да престане да се лепи за рака. Потребно е да се меси можеби околу 10 минути.
Формираното тесто веднаш поделете го на приближно три еднакви делови, а од секој дел формирајте топка. Потоа секое тесто развлечете го малку, ставете го на крпа и одозгора намастете го со масло за готвење.
Вака приготвените теста оставете ги да одморат околу половина час (20-30 минути), а за тоа време пригответе го филот (сирење, спанаќ, шунка и кашкавал, месо…). Овојпат ние бурекот го приготвивме со месо.
Кромидот исчистете го и исечкајте го најситно што можете. Додајте ги сите зачини и меленото месо (кој сака може да додаде и малку сода бикарбона), па добро измесете ја смесата за да се изедначи. Смесата поделете ја на три делови.
На масата на која ќе работите поставете чист чаршав (за развлекување и тегнење кори), па поставете во средината едно парче тесто и започнете полека со развлекувањето. Трена да добиете тенка и проѕирна кора (ивиците ако се дебели едноставно отстранете ги).
Од едната и од другата страна на кората наредете рамномерно фил од месо во мали парченца. Малку наросете со масло, па подигнете го чаршавот од едната страна и заролајте ја кората до средината. Истото направете го и од другата страна, па исечете на средина така што ќе добиете два ролати.
Секое ролатче завиткајте го посебно, во вид на полжав. Можете да ги надоврзувате спирално за голема тепсија, а можете да правите и помали, одделни питички. Тепсијата во која ќе се пече питата треба да биде претходно намастена.
Ставете да се пече бурекот во претходно загреана рерна на 180 степени околу половина час или додека убаво да зарумени. Кога е готов бурекот треба малку да се испрска со вода која претходно сте ја свариле со малку сол. Поклопете 10-тина минути да омекне, па послужете топло или ладно. / Сооlinarika.com
