Касато торта (Cassata-style без печење)
Касато тортата е богат и елегантен десерт без печење, инспириран од класичните европски рецепти.
Комбинацијата од чоколада, јаткасти плодови, суво овошје и бисквити создава полн, длабок вкус и совршена текстура.
Идеална е за свечени пригоди, празници или кога сакате десерт што изгледа импресивно, а се подготвува без рерна, пишува НМД. Еве што ви е потребно:
Потребни состојки
• 4 жолчки
• 250 г шеќер во прав
• 200 г путер (омекнат на собна температура)
• 250 г лешници
• 200 г суво грозје
• 2 лажици рум
• 150 г сува брусница
• 200 г желе-бонбони
• 200 г чоколада за готвење (минимум 45% какао)
• 500 мл млеко
• 30 г ванилин шеќер
• 500 г искршен Плазма кекс
• околу 100 г цели Плазма кекси (за подлога)
За декорација:
• Шлаг, по потреба
• НМД
• половинки ореви
Постапка
1. Сувото грозје прелијте го со врела вода, додадете го румот и оставете да отстои неколку минути, додека да омекне. Потоа добро процедете.
2. Во длабок сад изматете ги жолчките со шеќерот во прав додека да добиете светла и пенаста смеса. Додајте го путерот и матете додека да се добие мазен и хомоген крем.
3. Лешниците крупно исечкајте ги, а желе-бонбоните исечете ги на помали парчиња.
4. Чоколадата растопете ја на пареа или на тивок оган и, додека е уште млака, додајте ја во смесата со жолчките. Убаво измешајте.
5. Искршениот Плазма кекс ставете го во поголем сад, сипете го топлото млеко со ванилин шеќер и внимателно измешајте, додека да се навлажни рамномерно.
6. Во кекс-смесата додајте го чоколадниот крем, лешниците, сувото грозје, брусниците и желе-бонбоните. Измешајте додека да се соединат сите состојки.
7. Тркалезен калап или подлабока чинија обложете ја со најлонска фолија. Сипете ја подготвената смеса, израмнете ја убаво и одозгора наредете ги целите Плазма кекси, кои подоцна ќе служат како подлога на тортата.
8. Оставете ја тортата во фрижидер да се стегне, најдобро преку ноќ.
9. Следниот ден внимателно превртете ја тортата на соодветна тацна, отстранете ја фолијата и премачкајте ја со изматен шлаг. Декорирајте по желба.
Напомена
Доколку не користите свежи жолчки, можете да ги матите жолчките со шеќерот на пареа, додека да се згуснат, па потоа да продолжите со рецептот.
Оваа Касато торта без печење е вистински избор кога сакате богат, свечен и декоративен десерт што секогаш остава впечаток.
