Оригиналниот ролат се приготвува од плазма кекси, но може да се употребат и други бисквити како што се petit beurre, но вистинскиот вкус се добива со плазма.
Потребни состојки:
300 г мелени бисквити
2 преполни лажици какао
100 г шеќер во прав
2 лажици рум
200 мл млеко
За крем:
100 г шеќер во прав
100 г путер/маргарин
50 г кокос
И уште 50 г кокос
Постапка:
Мелените бисквити заедно со какао, шеќер во прав, рум и млеко добро измешајте ги, прво со миксер а потоа со раце, додека да добиете компактна смеса која може лесно да се формира.
Со миксер изматете го путерот, додадете кокос и шеќер во прав, па сето добро измешајте го да се соедини.
На работната површина распосбртелете проѕирна фолија и врз неа наросете кокос (50 г), па нанесете ја смесата од бисквити и развлечете или со рацете натапкајте.
Врз смесата од бисквити рамномерно нанесете го белиот крем.
Свиткајте во ролат, завиткајте во фолија и оставете во фрижидер да се стегне.
Кога ќе биде изладен ролатот сечете го на парчиња со дебелина од 1 см.
Tortekolaci.com
