Потребни состојки:
1 пакување кори за розен торта
За фил:
500 г фета сирење
150 г софт маргарин
100 г крем сирење
200 г кисела павлака
3 супени лажици ајвар
500 г шунка сечкана на коцки
За украсување:
100 г мајонез, или повеќе ако сакате
100 г рендан кашкавал
1 варена рендана жолчка од јајце
Постапка:
Добро изгмечете го фета сирењето, додадете павлака, маргарин, крем сирење и добро изедначете ја смесата. Додадете ја ситно исечеканата шунка и промешајте.
Филот поделете го на два дела, па во едниот додадете ајвар за да добиете бел и црвен фил.
Корите наизменично филувајте ги со белиот и црвениот фил. Последната кора не се филува. Ставетеја тортата неколку часа во фрижидер, најдобро преку ноќ.
Следниот ден искројте ги краевите и премачкајте со мајонез. Украсете со рендан кашкавал и жолчка од варено јајце.
onlinekuharica.com
