Доколку имате двор и имате желба да чувате две или повоќе кокошки, можете да си купите готов кокошарник, но истиот можете да си го направите и сами. Денес на Интернет може да се најдат најразлични идеи за дизајни на кокошарници од кои некои навистина се репрезентативни и наликуваат на вистински куќички за живеење.
Некои пак го сакаат футуристичкиот изглед, па кокошарниците ги изработуваат во вид на вселенски бродови. Други се практични и прават еден вид мрежасти тунели околу нивната градина со што “тепаат две муви одеднаш” – и кокошките сити и градината заштитена.
Како и да е, пред да започнете со изградбата треба да се одлучите за дизајнот и да ја одберете парцелата на која планирате да ги сместите своите кокошки. Потребно е теренот да биде сув и да биде рамен. Потоа можете да направите дупка во тоа подрачје и да го наполните со бетон за да направите цврст и сув темел.
Не заборавајте дека кокошарникот треба да ги заштити кокошките од ниски температури, висока влажност, ветер но и од предатори.
За да им биде удобно, на живината е потребно да им се обезбеди добро греење, вентилација, квалитетно осветлување, па затоа при изградбата треба да ги имате на ум следниве работи:
-живината се чувствува добро кога местото каде живее е суво;
-треба да се води сметка да има доволно простор за секоја кокошка или пиле се чувствуваат комфорно;
-не ставајте гнезда на места каде ќе се гради преграда, а цевка за вода би требало да се инсталира поблиску до местото каде живината ќе доаѓа да пие;
-треба да има добри прозори, вентилација и осветлување (но преголемо, за да не предизвика канибализам).
ФАЗИ НА ИЗГРАДБА:
-направете скица и список на потребен материјал
-одредете ја величината според бројот на пилињата
-направете темел
-изградба на ѕидови и прегради
-изградба на плафон и кров
-подови и изолација
Во продолжение, погледнете неколку идеи за дизајни на кокошарници:
