На својата мајка секогаш можете да се потпрете, таа ги знае одговорите на сите ваши прашања. Мајката е единствената на светот која ве сака безусловно, а нејзините совети секогаш се драгоцени.
Дури и кога ќе пораснеме и кога сме возрасни и кога започнуваме самостоен живот, честопати имаме потреба да и се обратиме на својата мајка кога се соочуваме со некои животни дилеми или кога не мачат некои ситни проблеми.
За сите наши прашања и двоумења, само нашата мајка го има вистинскиот и искрен одговор. Без разлика на годините, во било каква ситуација можете да и се обратите. Понекогаш, таа чувствува дека имате некаков проблем и без да и го кажете.
Некои мајки велат “Те сонував синко”, “Те познав по гласот дека нешто не е во ред”, “Те чувствувам сине, кажи ми што е?”… како и да е, таа го чувствува своето дете без разлика на возраста и годините, без разлика на локацијата и одалеченоста, без разлика на тоа што и се зборува…
Ова се 5 најчести прашања за кои можете да и се обратите на својата мајка и да побарате совет:
ФИНАНСИСКИ СОВЕТ И ЗАЕМ
Сами си ги плаќате сметките и месечните рати за кредит, но тоа не го исклучува фактот дека понекогаш ќе ви затреба консултација поврзана со финансиите. Доколку имате дилема каде да ги вложите парите или да поднесете барање за кредит, најискрениот совет ќе го добиете од мајката. Таа најреално ќе ја согледа состојбата и ќе знае да ве наведе на правилната одлука. Мајките кон своите деца ќесто се директни и нема состојбата да им ја разубавуваат само да ви биде вам полесно. Нејзините совети се драгоцени.
Дали треба да излезете со некого конкретно?
Доколку не сте сигурни дали тоа е вистинскиот човек за вас, побарајте мислење од вашата мајка. Не постои никој на светот кој ве сака и ве познава повеќе од вашата мајка. Дури и ако партнерот го гледате низ розови очила и не можете да ја согледате правилно љубовната состојба, таа ќе ви каже што реално се случува, имајќи ја пред сè вашата среќа и добробит.
Сè што е поврзано за бременоста
Таа е вашипт најдобар советник ако сакате да забремените или ако очекувате бебе. Вашата мајка нема да превртува со очи ако и ги споменете стравовите поврзани со самиот чин, за нега на бебето или воспитувањето на малото. Исто така, целото нејзино време ќе ви биде на располагање кога ќе ви биде потребен некој да ве смири и да ви понуди решение за евентуалните проблеми.
ГОТВАЧКИ ТРИКОВИ
Никој не готви подобро од вашата мајка. Кога ќе одлучите да се осамостоите, готвењето веројатно ќе ви биде голем проблем. Но, вашата мајка тука е од голема помош, од повторување на рецептите по неколку пати, до тоа, некогаш наместо вас да зготви. Никој освен вашата мајка тоа не го прави безусловно и од љубов.
ПОДДРШКА ВО СЕКОЈА ПРИГОДА
Кога имате некој проблем, мајките по некое чудо, дури и кога тоа нема да им го споменете, тие го чувствуваат. На вашата мајка најважна и е вашата среќа, па без многу прашања ќе скокне да ви помогне во секаква ситуација. Тие на своите деца им се вистинска поддршка и потпора. Кога нешто ве мачи, обратете и се на вашата мајка, таа ќе најде решение за секој ваш проблем.
