Компот од кајсии со портокал за зимница
Компотот од кајсии со портокал е идеален начин да се зачува вкусот на летото за студените зимски денови.
Овој рецепт комбинира сочни кајсии со освежителна нота на портокал, создавајќи вкусен и ароматичен пијалак или десерт.
Подгответе го овој компот дома со едноставни состојки и уживајте во неговиот природен вкус, пишува НМД. Еве што ви е потребно:
Потребни состојки за тегла од 3 литри:
– 600 грама кајсии
– 250 грама шеќер
– 2-3 кришки портокал
– Врела вода
– НМД
Постапка:
1. Кајсиите добро измијте ги и со дрвено стапче отстранете им ги семките.
2. Портокалите измијте ги и исечете ги на тенки кругови.
3. Во чиста и стерилизирана тегла од 3 литри, ставете 600 грама подготвени кајсии.
4. Додајте 2-3 тркалца портокал во теглата.
5. Посипете 250 грама шеќер врз кајсиите и портокалите.
6. Прелијте ги металните капаци со врела вода за да се стерилизираат.
7. Потоа, прелијте ја содржината на теглата со врела вода до врвот.
8. Затворете ја теглата со стерилизираниот капак и внимателно протресете ја или превртете ја за да се раствори шеќерот целосно.
9. Оставете ја теглата да се излади на собна температура, а потоа чувајте ја на темно и ладно место.
Овој компот е подготвен за консумација по неколку недели, кога вкусовите целосно ќе се соединат.
Уживајте во освежителниот вкус на кајсии и портокал во секое време од годината! Постапката погледнете ја во видео прилогот ОВДЕ:
