Од една мера добивате околу 100 вкусни и мирисни колачи според стар, проверен рецепт, кој носи топлина и спомени од минатото.
Овие колачи, познати како бабин колач или галети, не само што се лесни за подготовка, туку и можат да стојат долго време без да го изгубат својот уникатен вкус и арома.
Совршени се за уживање со чај или кафе, а нивната едноставност и традиционалност ги прават омилени во секое домаќинство, пишува НМД.
Рецепт и видео прилог на „Шерпица“: Бабин колач – галети
Вкусни и мирисни колачи според добриот стар и проверен рецепт. Од оваа мера се добиваат околу 100 парчиња, а можат да стојат доста долго.
Потребни состојки:
– 250 г путер или маргарин (или 200 г маст)
– 900 г брашно
– 4 големи јајца
– 200 мл млеко
– 400 г шеќер
– 1–2 кесички ванилин шеќер
– 1 прашок за печиво
– Рендана кора од лимон или портокал за арома
Постапка:
Растопете го путерот и оставете го малку да се излади, така што да биде млак. Во брашното измешајте го прашокот за печиво.
Во посебен сад, со жица изматете ги јајцата, па додајте го млекото, шеќерот, ванилин шеќерот и ренданата кора од лимон или портокал.
Промешајте добро, а потоа додајте го растопениот путер и соединете ги состојките. Постепено додавајте го брашното и мешајте додека да добиете кремасто тесто.
Загрејте го апаратот за галети, поставете го на степен 4 и почекајте да се изгаси светилката.
Ставете две полни лажици од тестото, затворете го апаратот и печете 2–3 минути или според упатството на вашиот апарат. За повеќе детали од постапката, погледнете го видеото ОВДЕ:
