МИНИ СУНЃЕР МАФИНИ: Одличен текст и текстура, а се прават за 10 минути. Ви предлагаме два рецепти со иста подготовка, а вие одберете кој ви е полесен. За вториот рецепт има и видеопрезентација:
РЕЦЕПТ 1 – ПОТРЕБНИ СОСТОЈКИ:
2 јајца со средна големина, на собна температура
60 г сенаменско брашно
40 г шеќер,
1 лажичка масло
сад со топла вода, за забрзување на процесот при матење
РЕЦЕПТ 2 – ПОТРЕБНИ СОСТОЈКИ:
4 јајца големина L
125 г шеќер
1/2 лажичка сол
115 г сенаменско брашно
20 г скроб/нишесте/густин
30 г растопен путер
ПОСТАПКА:
Загрејте ја рерната на 180 C (350 F). Подгответе поголем сад и наполнете го до половина со топла вода, а потоа врз него поставете го садот во кој ќе ги матите јајцата.
Сипете ги јајцата со шеќерот и прво изматете со средна брзина додека да запенат, а ако е потребно матете и со највисока брзина за да се растопи шеќерот.
Штом смесата го зголеми волуменот, осветли и згусне, намалете ја брзината за да се отстранат некои воздушни меурчиња доколку се создале при матењето.
Овој чекор е клучот за успехот и може да потрае 12-15 минути додека смесата да стигне до фазата кога се додава брашното. Просејте го брашното. Потоа користете шпатула и мешајте бавно додека добро да се соедини.
И на крај додајте масло и повторно соединете. Подгответе мини калапи за мафини обложени со хартија и истурете го тестото. Печете на средната решетка 15 до 20 минути додека да заруменат. Видеопрезентацијата погледнете ја ОВДЕ.
