ЛОНДОН ТОРТА СО НАЈВКУСНИ СЛОЕВИ…Кралски десерт за сите свечени моменти…
Оваа „Лондон торта“ е вистинска уметност во светот на десертите – комбинација од нежни кори со бадеми и ореви, збогатени со кремасти филови од чоколадо, лешници и ореви.
Со својата богата текстура и вкус, таа е идеална за посебни пригоди или кога сакате да ги воодушевите најблиските, пишува НМД. Еве што ви е потребно:
Потребни состојки:
За корите со бадеми (I и III):
– 12 белки (6 за секоја кора)
– 400 г шеќер (200 г за секоја кора)
– 2 лажици брашно (1 за секоја кора)
– 240 г бланширани, пропржени, мелени бадеми (120 г за секоја кора)
За корите со ореви (II и IV):
– 12 белки (6 за секоја кора)
– 400 г шеќер (200 г за секоја кора)
– 2 лажици брашно (1 за секоја кора)
– 240 г мелени ореви (120 г за секоја кора)
– 100 г рендана чоколада (60% какао, 50 г за секоја кора)
За фил 1:
– 300 г мелени ореви
– 11 лажици млеко
– 7-8 лажици шеќер
– 125 г путер
За фил 2 и 3:
– 24 жолчки
– 24 лажици (300 г) шеќер
– 450 г путер
– 200 г чоколада (60% какао)
– 200 г пропржени, мелени лешници
– НМД
ПОСТАПКА:
Кори:н амастен плех (45×30 см), обложете го со хартија за печење, повторно намастете го и посипете со брашно, отстранувајќи го вишокот.
Загрејте ја рерната на 180°C. Изматете 6 белки со 200 г шеќер во цврст снег, па нежно додајте 120 г мелени бадеми и 1 лажица брашно мешајќи рачно.
Истурете во плех, намалете на 160°C и печете 30 минути. Испечете две кори (или една со двојни состојки во голем плех, па пресечете ја).
Повторете го процесот: 6 белки со 200 г шеќер во снег, додајте 120 г мелени ореви, 50 г рендана чоколада и 1 лажица брашно. Печете на истиот начин. Испечете две кори.
Прелијте 300 г мелени ореви со 11 лажици врело млеко, додајте 7-8 лажици шеќер и кратко зовријте. Оладете, па измешајте со 125 г омекнат путер.
Изматете 24 жолчки со 24 лажици шеќер и варете на пареа (водата да не го допира садот) околу 15 минути додека да се згусне, мешајќи постојано.
Оладете, додајте 450 г омекнат путер и поделете на два дела (2:1).
Во поголемиот дел додајте 200 г растопена чоколада и поделете на два дела.
Во помалиот дел додајте 200 г препржени, мелени лешници.
Составување:
– На кора I нанесете фил 1.
– На кора II ставете половина од фил 2.
– На кора III нанесете фил 3.
– Завршете со кора IV и преостанатата половина од фил 2.
Оставете ја тортата во фрижидер неколку часа пред сервирање. Уживајте во овој раскош од вкусови достоен за кралска трпеза!
