Овие крекери се неверојатно крцкави и преполни со корисни нутриенти и диетални влакна. Можете да ги јадете онакви какви што се или да ги комбинирате со некој диетален намаз, доматен сос, гвакамоле, крем сирење…
Овие крекери се одличен начин да го започнете денот и да ги грицкате секогаш кога ќе дoбиете жeлба да јадете нешто „нездpaво“ како што се чипсовите на пример, или другите индустриски грицки кои се спакyвани со бројни вештачки вкycови и штeтни матepии. Рецепт на Ивана Радојевиќ:
ПОТРЕБНИ СОСТОЈКИ: 1 чаша брашно, 1/2 лажичка сол, 1/2 чаша сусам и чиа семе (помешани во количина по ваш избор, јас ставив една супена лажица чиа семе, а останатото сусам, а може и само сусам), 1/4 чаша семки од сончоглед, 1/4 чаша семки од тиква, 1/4 чаша ленено семе, 1 чаша (200 мл) ладна вода, 2 лажици маслиново масло
ПОТРЕБНИ СОСТОЈКИ – КЕТО ПРЕДЛОГ: 1/2 чаша семки од тиква, 1/2 чаша семки од сончоглед, 1/4 чаша чиа семе, 1/4 чаша бел сусам, 1/4 чаша црн сусам, 4 лажици мелено ленено семе или 2 лажици псилиум (од продавница за здрава храна/апрека – индиски тегавец за cлабеење), 1 лажичка морска сол, 2 лажички суво оригано, 1/2 чаша ладна вода
ПОСТАПКА: Вклучете ја рерната да се загрева на 150 степени. Помешајте ги сите суви состојки во еден поголем сад, па додајте вода и масло. Добро промешајте ја смесата додека сите состојки да се изедначат. Добро е да се остави смесата да отстои 15-20 минути (особено за вториот рецепт кој не содржи брашно).
Големиот плех од рерна обложете го со хартија за печење, па излејте ја во него приготвената смеса и рамномерно распоредете ја во тенок слој. Одозгора кој сака може малку да нароси крупна морска сол (или чили).
Ставете да се пече во загреаната рерна, а после 20 минути извадете го плехот од рерна, исечете ја кората на плочки, долгнавести тенки ленти, триаголници, коцки или облици по ваша желба, па вратете да се допече уште 25-30 минути.
За сето време крекерите се печат на релативно ниска температура од 150 степени, а тоа значи дека всушност се сушат и тоа овозможува да се сочуваат сите хранливи и корисни материи. После печењето оставете кората да се подизлади, па кршете ја со раце, според засечените облици. Постапката за кето-рецептот погледнете го во видеото ОВДЕ.
