Генијален трик ја одржува облеката свежа со години, а спречува молците да се соберат во плакарот и да ви ги уништат омилените парчиња.
Креаторката на содржини на TikTok и Instagram, која објавува под корисничкото име @_boringbb_, добивала многу подароци од нејзината баба низ годините. Не само што нејзината баба и ги подарила своите уникатни ноќници и фустани, туку и дала и неколку корисни информации за тоа како да ја чува складираната облека и да мириса што подолго.
Со овој трик не само што вашата облека убаво ќе мириса неверојатни 20 години, туку нема да ве чини многу.
„Дали некој друг ги вади тестерите за мирис од списанијата и ги става во фиоки за да ви мириса убаво? Тоа го правев до пред неколку месеци. Пред некој ден бев кај баба ми, облеков нешто од нејзиниот плакар, а од џебот извадив сапун.
Ја прашав „зошто чуваш сапун по џебови?“, а ми рече дека на тој начин го одржува убавиот мирис на облеката“, вели Јулија.
„Наводно, ако земете сапун, конкретно овој е од лаванда, но можете да користите и мирис на бор, бебешки памучен или кој било друг, ќе трае 15 до 20 години.
Немав воопшто идеја за една ваква можност, но го пробувам веќе неколку месеци и резултатот е неверојатен. Мојата облека мириса неверојатно. Задолжително испробајте, срдечно ви го препорачувам ова, па ќе се уверите и вие“, додаде таа.
Во следниот клип, Јулија додаде дека треба да се погрижите сапунот да биде завиткан во тенка хартија, а не во кеса или пластична фолија, за да може мирисот да испарува и да се пренесува во алиштата. Таа продолжи:
„Купете благ сапун и проверете дали е завиткан во хартија за да може мирисот да се пробие. Сапуните можете да ги ставате во плакари и фиоки. Сè ќе мириса многу суптилно и ќе трае со години“.
Видеото на Јулија очигледно импресионираше многумина бидејќи брзо собра неверојатни 549,4 илјади прегледи. Многу корисници сакаа да го испробаат трикот, а други открија дека тоа го правеле со години.
Еден корисник забележа: „Можам да потврдам, имав парчиња сапун во мојата комода речиси 12 години откако мајка ми ги стави кога бев дете“.
Друг корисник напиша: „Ова го правам во сите мои фиоки, плакари и сè што е сезонско. Ја одржува облеката свежа и ги чува натрапниците надвор“, пишува The Sun.
