ФЕРЕРО ШТРУДЛИЧКИ…Кога сакам нешто навистина вкусно ги правам овие празнични колачи… Еве што ви е потребно:
ПОТРЕБНИ СОСТОЈКИ:
За тестото:
250 г путер (може да користите и маргарин) на собна Т
180 г кисела павлака
50 г шеќер
1 ванилин шеќер
1 лажица арома на ванила (по желба)
500 г брашно
Фил:
200 г крем сирење Маскарпоне (или друго крем сирење)
250 г нутела или линолада
100 г пржени мелени лешници
200 г мелена плазма (може да се користат и други мелени бисквити)
За посипување одозгора: шеќер во прав
ПОСТАПКА:
Во еден сад помешајте ги крем сирењето со нутелата, па додајте мелени лешници и плазма. Кога ќе се изедначи филот, одокативно поделете го на 4 дела и оставете го настрана.
Во посебен сад сипете ги редоследно сите наведени состојки потребни за тестото, а брашното додајте го на двапати и замесете мазно, меко тесто кое не се лепи за рака.
На набрашнета површина развлечете го во кора со големина на големиот плех од рерна, па исечете ја на 4 ленти. Во средината од секоја лента распоредете по четвртина од филот и внимателно затворете ги ролничките.
Со прстите штипкајте ги краевите за да се залепи тестото. Наредете ги во плех обложен со хартија и печете ги 25 минути во загреана рерна на 170 степени.
Одозгора посипете ги со шеќер во прав и сечете ги додека се млаки. Постапката погледнете ја ОВДЕ.
https://youtu.be/eAhWgfQpeNY?si=1Va_Wba8jq0Jc7q8
