Фото и рецепт: Ayse Huseyin
Потребни состојки за тесто:
600 г брашно
1/2 коцка квасец (20 г)
3 супени лажици шеќер
250 мл млеко
150 г путер
3 жолчки
Тестото се замесува и се остава да отстои. Се приготвуваат три фила (четвртиот е мармалад):
ФИЛ 1
300 г мелен мак
200 мл млеко
150 г шеќер
2 супени лажици мед
1 рендана кора од лимон
Состојките заедно се варат околу 10 минути.
ФИЛ 2
150 мл млеко
100 г шеќер
300 г ореви
Состојките се варат околу 15 минути.
ФИЛ 3
1 кг рендани јаболка (кисели се поубави)
150 г шеќер
Цимет и ванила по желба
ФИЛ 4
Една тегла мармалад од кајсии (720 г). Јас употребив мешан мармалад, а вие по желба можете бил кој.
Постапка:
Тестото се дели на пет еднакви делови, се расукува првата кора и се става во плех кој претходно е премачкан со масло, потоа се филува со 3.фил.
Повторно се расукува втората кора и се премачкува со фил 1 со мак, пак кора и фил од мелени ореви, пак кора па се премачкува со мармалад и се покрива со последната кора.
Се пече 10 минути на 180 степени, па се намалува на 150 и се пече уште еден час.
Изгледа комплицирано но многу лесно се приготвува.
