Дишењето е витална функција што ни овозможува да живееме и да функционираме. Практично, нема живот без дишење и затоа е поважен од земањето течности и храна. Дишењето е континуирана врска со надворешното опкружување, а вежбите за дишење се докажани и проверени методи кои овозможуваат подобро дишење и со тоа ги зајакнуваат имунитетот и белите дробови.
Дишењето е толку важно и неопходно за нашиот опстанок, што е практично автоматизирано – со други зборови, дишеме без размислување. Во последните години се спроведени бројни студии за свеста и ефектите што ги има вниманието врз различните аспекти на физичкото и менталното здравје.
Од каде потекнува потребата од вакво истражување?
Забележано е дека кога луѓето прават рутински активности (на пр. одење, јадење, миење заби…), тие не се ментално присутни, но нивните мисли „летаат“ во други насоки.
И така, наместо да бидат свесни за моментот во кој се наоѓаат и целосно да „учествуваат“ во него и физички и психички, тие ментално се занимаваат со некои други теми кои не се поврзани со активноста што ја извршуваат во тој момент.
На пример, кога јадат надвор, тие се само делумно свесни за храната што ја консумираат (нејзиниот вкус, боја, текстура…), а нивните мисли се насочени кон планирање на задачите што треба да ги направат до крајот на денот или размислување за други важни или помалку важни теми.
Потсвеста следи сè
Бидејќи потсвеста безусловно го следи протокот на мисли, може да се случи совршен ден да ни изгледа мрачно, бидејќи додека шетаме размислуваме за некој непријатен настан.
И така, наместо да уживаме во моментите, на прв поглед сме „неразумно“ вознемирени. Добрата вест е дека овој процес може да се нормализира со редовни вежби за дишење.
Вежбите за дишење се драгоцена помош при стекнување нови навики за дишење. Практично, ако сме свесни за моментот кога правиме нешто, ако се чувствуваме пријатно, потсвеста ќе го открие тоа и ќе не „награди“ со поттикнување на лачење на хормони кои предизвикуваат релаксација и задоволство.
Во такво опкружување, телото не само што ќе функционира нормално, туку ќе се „поправи“, подигнувајќи ја на повисоко ниво целокупната функционалност на организмот, вклучително и имунолошкиот систем.
Свесно дишење – подобар квалитет на живот
Истиот принцип важи и за дишењето. Ова едноставно значи дека свеста и контролата врз дишењето имаат позитивен ефект врз тоа како се чувствуваме – особено кога станува збор за намалување на стресот, суз-бивање на анксиозноста и ментална и физичка релаксација.
Обраќањето внимание на тоа како дишеме е важно и природно и води кон поздраво и подлабоко дишење. За да избегнете забуна – не мора постојано да размислувате за дишењето, но периодично проверувајте како дишете и поправете го доколку е потребно.
Проверете дали сте во грч, дали вратот е затегнат и рамената се подигнати.. Ако дишете само со горниот дел од белите дробови и колку воздух внесувате.
Со цел да се олесни процесот на премин од „несвесно“ дишење кон внимателно внимание, се препорачуваат одредени вежби за дишење кои имаат позитивни ефекти врз здравјето и можат да се направат насекаде и во кое време од денот сакате.
Ако ги вклучите во вашата дневна рутина, придобивките од овие навидум едноставни и кратки вежби ќе бидат видливи многу брзо. На овој начин ќе сфатите дека се чувствувате подобро, полесно го контролирате стре-сот и вознемиреноста.
Ви ги препорачуваме следниве 3 вежби за дишење кои нема да ви одземат многу време и ќе го доведат вашето тело во состојба на свест
I вежба за дишење: Дишење преку стомакот
Дишењето во стомакот е едноставна вежба што треба да ја направите кога ќе почнете да внимавате на дишењето.
Легнете рамно на грб, ставете ја едната рака на градите, а другата на стомакот. Дишете длабоко низ носот, раката на стомакот треба да се подигне, додека раката на градите треба да остане на иста висина.
Издишете полека преку устата, дозволувајќи и‘ на раката врз стомакот да го следи неговото повлекувањето. Обидете се да го исфрлите целиот воздух од белите дробови. Повторете 3 – 10 пати.
II вежбa за дишење: Дишење 4-7-8
Броењето при вежби за дишење е познат начин за намалување на анксиозноста во стре-сни ситуации. Предложената вежба 4-7-8 е слична на абдоминалното дишење, а основната разлика е во тоа што го земате предвид и ритамот на дишење.
Ставете ја едната рака на стомакот, вдишувајте длабоко и лесно и додека стомакот се поткрева, вие тивко бројте до 4. Задржете го здивот, броејќи до 7 со исто темпо, а потоа издишете целосно, броејќи до 8.
Повторете ја оваа вежба додека да се почувствувате смирено. Најчесто се потребни само 3 до 5 минути од ова дишење за да почувствувате подобрување.
Ако ви е тешко да процените колку измесува една секунда, сè додека да се навикнете, можете да го користите звукот на ѕидниот часовник или некој друг механички часовник каде што се слушаат отчукувањата.
III вежба за дишење: Утринско дишење
Корисно е да ја направите оваа вежба кога ќе се разбудите. Застанете во исправена положба, рацете опуштени покрај телото и благо свиткајте ги колената. Потоа навалете се нанапред, свиткајте се во половината, така што рацете и главата ќе висат кон подот.
Длабоко вдишете додека да се вратите во исправена, стоечка положба. Задржете го здивот 3-5 секунди, а потоа издишете полека, враќајќи се во првобитната свиткана положба. Повторете ја вежбата 7 пати.
Ова може да ви помогне да ги релаксирате вкоча-нетите мускули, да ги отворите дишните патишта и да го започнете денот со дополнителна енергија. Препорака за сите горенаведени вежби е да ги правите кога имате доволно време, никогаш во брзање или во несоодветни услови.
Во просторијата каде што ги изведувате вежбите, не треба да е премногу топло или ладно бидејќи на тој начин нема да се релаксирате целосно. Изведувајте ги вежбите во мир и тишина, без да ве вознемирува некој отстрана.
Исто така, почекајте најмалку 2 часа по последниот оброк за целосно да имате корист од вежбите. Имено, варењето на храната во првите два часа вклучува поголемо количество к-рв, се создава зголемен притисок во стомакот, па практикувањето дишење после јадење би било контрапродуктивно.
9 факти за дишењето што можеби не сте ги знаеле
Просечна личност вдишува околу 17,000 пати на ден. Воздухот што се вдишува се состои од 16% кислород, 4% јаглерод диоксид и 79% азот. Нашите бели дробови заменуваат околу 4-5% кислород со јаглерод диоксид.
Повеќето луѓе можат да го задржат здивот 1 до 2 минути. Но, светски рекорд во задржување на здивот е Данец кој нурнал под вода во 2010 година и се појавил на површината по 22 минути.
Записот бил потврден бидејќи целиот настан го следела комисија која потврди дека Стиг успеал да остане под вода толку долго само со моќта на контролираното дишење. Белите дробови се најголемиот генератор за елиминирање на отпадот од телото, тие отстрануваат дури 70% од отпадот на телото во форма на јаглерод диоксид што го издишуваме.
За 24 часа просечно лице издишува за да исфрли околу половина литар вода од телото. Истражувачите откриле разлики во развојот на лицето кај децата во зависност од тоа дали дишат преку нос или уста.
Практично, доминантното дишење има значително влијание врз развојот на коските и мускулите, што го одредува целосниот изглед. Психолозите откриле дека дишењето е ефикасно во бор-бата против анксиозноста, депресијата и стре-сот.
Постојат докази кои сугерираат дека дури и само свесното дишење значително го намалува кр-вниот притисок без употреба на лекови. Вашите емоции го менуваат начинот на дишење – кога сте исплашени, дишењето е брзо и кратко.
Истражувањата покажале дека начинот на дишење може да влијае на емоциите што ги доживуваме – без разлика дали се позитивни или негативни. Исто така, вежбите за дишење помагаат да се промени истиот начин.
Дишете побавно за да живеете подолго. Дишењето е исто така процес што влијае на очекуваното траење на животот на разни животни, како и на луѓето. Значи, колку е помал бројот на вдишувања во минута – толку е подолг очекуваниот животен век.
Обратете внимание на дишењето, редовно правете вежби за дишење и очекувајте подолг и подобар живот. / Текстот за НМД.мк го напиша Мартина Христовска
