Ги имав заборавено колку се меки, сочни, па ги направив пред малку, превкусни се.
Потребни состојки:
500 мл млеко
5 лажици густин
10 лажици шеќер
1 ванилин шеќер
150 г путер
1 кг чајни колачиња тркалца
200 г кокосово брашно
И уште: млеко за натопување и малку рум
Постапка:
Млекото ставете го да се вари. Промешајте густин, шеќер и ванилин шеќер со малку млеко и сварете како пудинг. Кога ќе излади спојте го со изматен путер.
Тркалцата натопувајте ги во млеко и рум, со помала лажичка ставајте им фил и валкајте ги во кокос. Ова правете го додека да го потрошите материјалот.
Најубави се кога ќе отстојат неколку часа во фрижидер или уште подобро преку ноќ.
