Брзи бисквитни колачи со џем и бадеми
Овие вкусни и едноставни чајни колачи се совршен избор за брз десерт или ужина што може да се подготви за само неколку минути.
Без употреба на путер, со лесно достапни состојки и едноставна постапка, овој рецепт ќе стане ваш омилен за секоја пригода.
Крцкавата текстура, слаткиот џем и крцкавите бадеми создаваат неодолива комбинација што ќе ги воодушеви сите, пишува НМД. Еве што ви е потребно:
Потребни состојки:
– 1 јајце
– 75 г шеќер
– 8 г ванилин шеќер
– 50 мл млеко
– 50 мл масло
– 280 г брашно
– 8 г прашок за печиво
– џем (по избор)
– сечкани бадеми (или ореви)
– кристален шеќер (за посипување)
– НМД
Постапка:
1. Во подлабок сад измешајте го јајцето, шеќерот, ванилиниот шеќер, млекото и маслото додека се добие хомогена смеса.
2. Во посебен сад измешајте го брашното со прашокот за печиво, па постепено додајте ги во течната смеса. Мешајте додека да се формира меко тесто што лесно се обликува со раце.
3. Од тестото кинете парчиња со големина на орев и обликувајте ги во топчиња. Лесно притиснете ги со дланките малку да се сплескаат.
4. Секое топче валкајте го во кристален шеќер и редете ги на плех обложен со хартија за печење, оставајќи мал простор меѓу нив.
5. Со мало капаче или прст направете вдлабнување во средината на секое топче. Во вдлабнувањата ставете по малку џем по ваш избор.
6. Посипете ги бисквитите со сечкани бадеми или ореви.
7. Печете во претходно загреана рерна на 180 степени Целзиусови околу 20 минути или додека добијат златнокафеава боја.
8. Оставете ги бисквитите кратко да се изладат пред сервирање.
Уживајте во овие вкусни бисквитни колачи со чаша кафе или чај! Постапката погледнете ја во видео прилогот ОВДЕ:
