БАУНТИ ТОРТА…Кремаста, неодолива и лесна за подготовка!
Оваа торта доби одлични критики, ви препорачуваме да ја пробате. Еве што ви е потребно:
ПОТРЕБНИ СОСТОЈКИ:
За кората:
– 10 белки
– прстофат сол
– 10 лажици шеќер
– 3 рамни лажици остро брашно
– 1 лажичка прашок за печиво
– 150 г кокос
За преливот на кората:
– 100 мл млеко
За кремот:
– 10 жолчки
– 100 г шеќер
– 1 ванилин шеќер
– 150 г темно чоколадо
– 150 г млечно чоколадо
– 50 мл млеко
– 125 г маргарин
– 100 мл слатка павлака
За ганаш глазура од бело чоколадо:
– 100 г бело чоколадо
– 50 мл слатка павлака
ПОСТАПКА:
Кора:
Одделете ги белките од жолчките. Во белките додаЈте прстофат сол и матете со миксер постепено додавајќи шеќер додека да добиете цврст снег.
Во друг сад, прво измешајте ги брашното, прашокот за печиво и кокосот, а потоа многу нежно вмешајте ги со шпатула додека да се соединат со снегот од белки
Распоредете ја смесата во поголем плех обложен со хартија за печење и печете во загреана рерна на 180 степени 20 минути додека кората малку да зарумени.
Испечената кора кога ќе се олади исечете ја по должина на три ленти и попрскајте ја со млеко рамномерно насекаде.
Крем:
Во соодветно тенџере изматете ги со миксер жолчките со шеќерот и ванилиниот шеќер додека да згуснат и потоа оставете ги на пареа со постојано мешање со жица за матење.
Гответе додека да почне да згуснува (15-20 минути), потоа додајте ги двата вида чоколада искршена на коцки и млекото и варете уште неколку минути додека сѐ да се стопи и убаво се соедини.
Кремот изладете го на собна температура, а потоа додајте го омекнатиот маргарин и матете со миксер додека да стане пенесто. На крај, нежно изматете го шлагот и со лажица убаво соединете сè заедно.
Глазура ганаш:
На тивок оган растопете го белото чоколадо со слатката павлака и почекајте малку да се излади.
Првата кора премачкајте ја со третина од кремот, поклопете со втората кора, повторно крем, трета кора и завршете ја тортата со крем. Прелијте со глазура од бело чоколадо и по желба декорирајте со шлаг.
Сoolinarika.сom
