Докторите често знаат да ни кажат “внесувајте повеќе минерали, особено калциум, цинк, магнезиум…” за да го подобрите вашето здравје. За секој орган, коски, црева, штитна жлезда, анемија, имунитет, сон и друго, докторите ќе ви речат да земате повеќе витамини и минерали.
Но, ако ви речат на пример, дека на вашиот организам му недостига бор или манган, дали знаете во кое овошје и зеленчук најмногу се содржат овие минерали? Што би требали поточно да јадете за да се зголеми внесот на минерали и да се превенираат болестите на срцето и крвните садови, да се победи депресијата или да се исчистат лимфните садови?
НАЈДОБРИ РАСТИТЕЛНИ ИЗВОРИ НА МИНЕРАЛИ
Бор: зеленолиснат зеленчук, лист од цвекло, јаткасти плодови, морков, компир, пашканат, тиква, домат, мешунки, интегрални житарици и поголемиот дел од овошјето.
Цинк: ртени семки, сирови семки од тиква, сончогледови семки, грашок, цвекло и лист од цвекло, кромид, јаткасти плодови, морков.
Магнезиум: јаболка, кајсии, смокви, праски, кељ, целер, блитва, алфа-алфа ркулци, интегрални житарици, интегрален ориз, сончогледово семе, бадеми.
Манган: јаткасти плодови (лешник, бадем, орев), ананас, спанаќ, интегрални житарици, цвекло и лист од цвекло, прокељ, грашок, зелен чај, боровинка, банана и друго јужно овошје.
Фосфор: јаткасти плодови, мешунки, интегрални житарици, семе.
Најдобар извор на калциум за човекот не е кравјото млеко!
Иако кравјото млеко се промовира како најдобар извор на калциум за човекот, истражувањата покажуваат дека млекото може да има и лошо влијание врз здравјето на човекот. Лошо влијае врз жлездите, зголемување на слуз во организмот, создавање на катаракта, неплодност, цисти на јајници. Овде пред се’ се мисли на индустриски произведеното млеко, преполно со хормони.
Калциум: целиот темнолистест зеленчук (блитва, спанаќ, кељ), рогач, соја, брокула, сусам, овес, просо, сончогледови семки, келп алга, грав, бадеми, ореви.
Кељ: банани, диња, кајсија, домати, поточарка, сончогледови семки, компир, интегрални житарици.
Железо: овес, просо, интегрална органска пченица, мешунки (грав, грашок, леќа), кељ, брокула, аспарагус, спанаќ – во комбинација со витамин Ц (сок од лимон), суво овошје (кајсии, сливи, суво грозје), портокал, јагоди, дињи, цитрон и најмногу сурово какао.
Селен: бразилско оревче, пченични ркулци, соја, јаткасти плодови, лук, сончогледови семки, интегрални житарици.
Силициум-диоксид: ленено семе, овес, интегрални житарици, бадеми, сончогледови семки, целер, јаболка, јагоди, железо, цвекло, кромид, пашканат.
СИРОВАТА ХРАНА ГИ ЧУВА МИНЕРАЛИТЕ
Како што гледате, природата ни дала се’ што ни е потребно. Но, за да ги обезбедите потребните витамини и минерали, повеќето намирници е потребно да се јадат во свежа состојба. Значи колку повеќе сирови семки, јаткасти плодови, цвекло, овошје, зеленчук.
Семето од сончоглед е вистинско богатство од минерали и витамини и не треба да се пече ниту да се пржи. Одлично се комбинира со намази, сирења, преливи за салата, па дури и со торти.
