Оваа торта почнав да ја правам секој ден, без печење само со јаткасти плодови. Свекрва ми ме научи да ја правам, а оттогаш сите ме прашуваат за рецепт. Ми здосади на сите да им одговарам поединечно, па решив рецептот да го споделам јавно. Се подготвува за 5 минути, а после само се чека во фрижидер да се стврдне.
Ние уште ја нарекуваме и кралска торта која се топи во уста. Ова е рецепт од неколку состојки кој секому успева од првпат, полесна торта за подготовка нема. Еве кои состојки ви се потребни за да ја подготвите:
Потребни состојки: 250 г суви сливи (во оригиналот се приготвува со суво грозје), 200 г ореви, 4-5 тортилји (мали тркалезни тенки лепчиња од пченкарно или пченично брашно, слични на палачинки), 500 мл слатка павлака (33-36% масленост), 2 лажици шеќер, 250 г маскарпоне или некое друго крем сирење.
И уште: 50 мл топла вода со 1 лажица шеќер и 1 лажица лимонов сок, ситно сечкани ореви и темно чоколадо за декорирање по желба. Тортата може да ја декорирате и на ваш начин.
Постапка: Сувите сливи (или сувото грозје) исечкајте ги на 2-3 помали парчиња во зависност од нивната големина. Потоа земете ги оревите и нив исечкајте ги што поситно, не мора да се блендираат. Користете кружен калап со флексибилен обрач во големина слична на тортилјите. Мојот калап беше малку помал и секоја тортилја ја скратив од страните за да одговара според димензиите.
Започнете со подготовката на кремот: 500 мл густа павлака излејте во подлабок сад и матете со миксер до погуста смеса. Потоа додајте 2 лажици шеќер и продолжете да матите до формирање на пенаста структура, слична на шлаг. Доколку павлаката е веќе слатка, додајте шеќер според вкус.
Тогаш додајте го маскарпонето или некое друго крем сирење и изматете сè заедно. Издвојте малку од оваа смеса настрана, отрпилика 2-3 лажици. Во поголемиот дел од смесата додајте ги сечканите парчиња суви сливи/грозје и оревите. Измешајте сè заедно. Во калап со флексибилен обрач поставете хартија за печење и на дното ставете една тортилја.
Тортилјата премачкајте ја со мешавината од топла вода, шеќер и лимонов сок и ставете 1-2 лажици од смесата со сливи и ореви. Потребно е смесата да ја поделите на 3 еднакви делови ако користите 4 тортилји или 4 еднакви делови ако користите 5 тортилји.
Потоа одозгора ставате нова тортилја, повторно ја премачкувате со слатко-киселата вода и редите од филот. На овој начин постапувате се додека да ги потрошите тортилјите. Врз последната тортилја се премачкува со кремот кој го издвоивте на почетокот од постапката.
Ставете ја тортата во фрижидер да се стврдне неколку часа, а потоа декорирајте ја по желба. Јас од страните ја премачкав со уште малку фил и ставив ситно сечкани ореви, а одозгора наросив со ситно сечкано/рендано темно чоколадо. Деталите од целата постапка погледнете ги во видеото ОВДЕ.
