Витамин Ц и каротен спакувани во 7 тегли, без конзерванси, по 1 кг зелка, морков, карфиол и пиперки

Рецепт и видео прилог на Мои Домашни Рецепти: Кисела Мешана Салата. Витамин Ц и каротен спакувани во тегла – вкусна салата за цела зима. Потребни ви се зелка, моркови, пиперки и карфиол, претходно добро измиени и ситно исечкани.

Потребни состојки: 1 кг зелка, 1 кг црвени пиперки, 1 кг морков, 1 кг карфиол, 8 супени лажици шеќер (50 г), 8 супени лажици сол, 350 мл бел оцет 9%, 350 мл масло и 7 тегли.

Постапка: Зеленчукот убаво се мие под млаз ладна вода и се цеди. Зелката ситно исечете ја или изрендајте ја. Од пиперките отстранете ги петелките и семето, па исечете ги на филети, а потоа на коцки. Морковите излупете ги и исчистете ги од завршетоците, па исечете ги на тенки кругови. Карфиолот поделете го на најситни цветчиња.

Издробениот зеленчук ставете го во еден голем сад, па додадете 8 супени лажици шеќер (50 г), исто толку сол. Промешајте убаво за рамномерно да се распоредат солта и шеќерот, па покријте го садот со проѕирна фолија или капак да одмори 3 часа на ладно. После три часа промешајте го повторно зеленчукот.

На оган ставете 350 мл масло и 350 мл алкохолна киселина 9%, па кога ќе зоврие прелијте го зеленчукот. Промешајте и повторно покријте го да одмора, овојпат 24 часа за да ги впие вкусовите.

Следниот ден промешајте ја содржината и наполнете ги теглите. Течноста што ќе остане рамномерно додадете ја во секоја тегла по малку. Затворете ги со метални капаци, ставете ги на оган во тенџере со ладна вода и оставете ги да вријат на умерен оган околу 15 минути.

Тргнете ги на страна и оставете ги во тенџерето додека да изладат. Од оваа количина излегуваат 7 полни тегли, а само после една седмица салата е спремна и може да се јаде. Деталите од постапката може да ги погледнете во видеото ОВДЕ.

Претходна статијаПрав домашен џем од рерна печен во плех, без мешање, без валкање низ кујна
Следна статијаКремасти сочни ледени коцки – колач кој се топи во уста – ова е најдобриот од најдобрите рецепти