Дури и ако не сте обожавател на смелиот стил на облекување на Ајрис Апфел, сепак вреди да се забележат нејзините мудри зборови за стареењето, индивидуалноста и успехот.
Нејзиниот совет е да бидете храбри и да не обраќате внимание на туѓите мислења бидејќи тие воопшто не треба да бидат важни.
1. Не размислувајте за годините. Годините се само бројка. Можеби не ви се допаѓа тоа што стареете, нема друга алтернатива. Прифатете го стареењето и вашата возраст и искористете го искуството што сте го стекнале во текот на животот.
Правете го она што го сакате за да ви го окупира умот и да престанете да размислувате за годините.
2. Изберете партнер кој ќе се радува на вашите достигнувања. „Неговата великодушност и смисла за хумор беа легендарни. Правевме сè заедно.
Тој ме направи да бидам во центарот на вниманието, уживајќи во моите достигнувања повеќе отколку јас самата“, рекла Ирис за својот сопруг, кој почина на 100-годишна возраст.
3. Следете го своето срце. Правете го она што ви го кажува вашиот внатрешен глас. Ако нешто ви изгледа интересно, направете го без оглед на недостатокот на искуство, тоа ќе дојде подоцна.
Многу луѓе претпочитаат да го прават она што им е полесно и што го знаат, но тоа не е интересно.
4. Ако сакате да ја задржите младоста, размислете соодветно. Никогаш не сакав да бидам стара и досадна.
Со гордост го носам статусот на најстар тинејџер на планетата, кој сама го измислив и имам намера да останам во тој дух додека сум жива. Ако сакате да останете млади, размислувајте соодветно.
5. Вашето мислење е поважно од мислењето на другите. Никогаш не се обидов да се прилагодам на мојата околина. Ако се обидете да им угодите на сите, ќе останете празни.
Многу луѓе го нарекуваат мојот стил на облекување чуден и ексцентричен, но мене не ми е грижа. Се облекувам за себе, а не за да им угодувам на другите.
6. Не се изолирајте од другите. Треба да знаете дека сте дел од една целина, а не поединец сам. Вклопете се во вашата околина, но на свој начин. Ако не сакате да бидете дел од нешто, тогаш не можете да успеете.
7. Успехот не се продава. Успех е кога сте среќни, кога ќе ја пронајдете вашата љубов, кога имате добри луѓе околу вас, го правите она што го сакате и имате што да му дадете на светот. Нема цена што можете да ја платите за успех.
8. Да се биде модерен не значи да се купува скапа облека. Можете да ги имате сите пари на светот, но ако немате свој стил, скапата облека не ви значи ништо. Не се работи за тоа што носиш, туку како го носиш. Облечете се според вашите чувства.
9. Започнете нешто ново. Главната грешка што многумина ја прават е недостатокот на обидување. Сакав да започнам сопствен бизнис со облека и најдов начин да го направам тоа. Едноставно треба да дејствувате, да преземете мали, но сигурни чекори.
10. Не сте помлади отколку што изгледате. Брчките се нормална и природна работа. Глупаво е да се обидувате да изгледате помладо отколку што сте. Ако направите операција на лицето на 75 години, немојте да мислите дека некој ќе верува дека имате 30 години. Слушнете ја ОВДЕ.
