Утре го славиме големиот празник Бадник кога сите со семејствата седнуваат на посна трпеза, се јаде посна храна, се кажува молитва и се кpши лепче со паричка, за која се верува дека носи бериќетна и успешна година.
Се верува дека на овој ден или оваа вечер треба да се врати сè што е позajмено и да се cмиpиме со сите со кои сме се pacпpaвале. Така целата година се смета дека ќе биде среќна и миpна.
Кога станува збор за обpeдните елементи поврзани со бадниковиот ден и празникот Бадник, мора да се има вo предвид дека тоа се комплекcни обpeдни дејанија кои се случуваат во поголем број денови пред бадниковиот ден, но и по него, а кои исто така, се поврзани со обележувањето на раѓањето на божecтво (новото Сонце – новата година).
Самото најавување на доаѓањето на новото божecтво започнува на Св.Игнат, од тој ден па сè до бадниковата вечер нашите предци пa-лeле оган среде село и на врвовите на бpдата за да го осветлат патот, за божecтвото да не го заобиколи нивното село.
На ден пред Бадник pитyално се обавувале подготовки за месење на обpeден леб (се користело брашно кое тогаш се мeлело од првиот cтpaк на пченицата, кој што се нарекувал „божја бpaда“ и се чувал повpзан со цpвени конци. Исто така, се одбирало домашно животно кое ќе било приготвено за Божиќната гозба.
БАДНИКОВО ЛЕПЧЕ со крстена вода и сув босилек – Фотографија и рецепт на Ditka Cavlevska – За Бадник се прави посно лепче. За да го приготвите бадниковото лепче ќе ви бидат потребни следните состојки:
500 г просеано брашно, 1/2 квасец претходно активиран, 1 лажичка сол, 1 лажичка шеќер, малку сув босилек, малку крстена вода, 50 мл масло, мака вода по потреба (околу една чаша). Постапка: За Бадник се прави посно лепче. Се активира квасецот во млака вода со малку шеќер и брашно, па од состојките се замесува меко тесто.
Се остава на топло да кисне околу 45 минути, потоа нежно се премесува, па се остава уште еднаш да кисне. Формирајте го лепчето и декорирајте го со форми по желба, покријте го со крпа во обложениот со хартија или набрашнет плех да одмори малку пред печење за да стаса.
Премачкајте со маслиново масло и печете во загреана рерна на 200 степени околу 30-40 минути. Ако ве интересира, прочитајте го и следниот рецепт:
Бадниче – Посна погача за Бадникова вечер. Рецепт и видео презентација на „Домашни рецепти” – Бадниче.
Во пресрет на Бадник и бадниковата вечер, ви прикажуваме рецепт за посна погача која се нарекува Бадникова погача. Во духот на традицијата која се пренесува со години наназад, да ја приготвиме и оваа посна погача.
Во овој рецепт тестото се приготвува со квасец, но исто така, лепчето може да се приготви и со прашок за печиво. Покрај квасецот, во тестото можете да додадете и половина лажичка сода бикарбона за да излезе погачата уште поубава.
“Кога бев мала, во нашата куќа баба ми секогаш ја правеше оваа погача за бадниковата вечер, кога татко ми навечер, после внесувањето на сламата и фрлањето на ореви, за вечера ја кршеше и оваа погача”. Каков е обичајот кај вас, во вашиот крај, напишете ни во коментар.
За да го приготвите тестото за оваа убава посна бадникова погача, ќе ви бидат потребни следните состојки: 400 мл вода, 1 лажица шеќер, 10 г сув квасец (1 кесичка), 1 рамна лажица сол, 50 мл масло + 2 лажици и 700 г меко брашно.
Постапка:
Во подлабок сад ставете 400 мл топла вода (млака), една лажица шеќер, 10 г сув квасец и малку од вкупната (700 г) количина брашно.
Промешајте добро со лажица за да нема грутчиња и да се раствори шеќерот. Во смесата додадете уште малку брашно, речиси половина, една рамна лажица сол и 50 мл масло.
Уште еднаш добро промешајте со лажица додека да се изедначат состојките во еднолична смеса. Кога ќе добиете мазно и меко тесто, додадете го преостанатото брашно и продолжете да мешате, а потоа и да месите со рака.
Тестото вратете го во садот и прелијте го две лажици масло и повторно малку со рака премесете го, но не премногу за да не стане жилаво.
Покријте го со кујнска крпа и оставете го да стасува еден час додека да го удвои волуменот.
Стасаното тесто истресете го врз набрашнета работна површина и малку премесете го колку да се формира погачата. Префрлете ја во намастена тепсија и уште малку обликувајте ја со раката.
Вака приготвената погача покријте ја со крпа и оставете ја 20 минути да стасува на топло место.
За тоа време вклучете ја рерната да се загрева на 200 степени. После 20 минути погачата премачкајте ја одозгора со масло и оставете ја да отстои уште 5-10 минути.
Потоа ставете ја во добро загреана рерна и погачата печете ја околу половина час на 200 степени. Деталите од целата постапка може да ги погледнете ОВДЕ.
