Тиквиците се многу здрав зеленчук и може да се јадат на најразлични начини. Единствена мана е што што можат да впиваат многу масло додека ги пржите, а сите знаеме дека похуваните, пржени тиквички се највкусни.
За среќа, имаме рецепт со кој се приготвуваат уште поубави похувани тиквички, а се печат во рерна. За нив ќе искористите многу малку масло за да добијат фина, крцкава тенка коричка. Исто така, во похувањето се обложуваат со сусам, кој дава одлична арома.
Едноставно, овој рецепт мора да го пробате. Брзи, здрави и вкусни тиквички од рерна, за кои ви се потребни само 4 лажици масло. Нема потреба да стоите долго пред шпорет и да ги пржите во длабоко масло. Еве што ви е потребно:
ПОТРЕБНИ СОСТОЈКИ: 2 тиквички, малку сол, 2 лажици брашно, 1 лажица пченкарно брашно, 1 лажица лебни трошки (презла), 1 лажичка сол, ½ лажичка црвен зачински, пипер во прав, 2 јајца, сусам за наросување одозгора и 4 лажици масло
ПОСТАПКА: Тиквичките убаво измијте ги, па исечете ги на тркалца заедно со кората. Посолете ги и оставете малку да отстојат. Во посебен сад ставете две лажици брашно, една лажица пченкарно брашно, една лажица лебни трошки, една лажичка сол, половина лажичка црвен пипер во прав и убаво промешајте за да се изедначат состојките.
Во друга чинија изматете две јајца со виљушка. Започнете го похувањето на тиквичките. Секое тркалце натопете го прво во изматените јајца, а потоа во мешавината од брашно и презла. Завршете со уште едно потопување во јајцата.
Вака приготвените тиквички редете ги во плех обложен со хартија за печење. Одозгора наросете ги со сусам и со 4 лажици масло. Ставете да се печат во загреана рерна на 220 степени додека убаво да заруменат. Деталите можете да ги погледнете во видеото ОВДЕ.
