Кремасто сирење кое излегува во голема количина и многу е вкусно. За да го направите ќе ви требаат само 2 состојки и малку сол за да го посолите. Се прави многу брзо, па ќе може да го направите во било кое време. Еве што ви е потребно:
ПОТРЕБНИ СОСТОЈКИ: 1,5 литри млеко, сок од 1 лимон, 1/2 лажичка сол. Кашкавалот може да го подготвувате со купечко, но уште подобро е ако имате домашно млеко со висока масленост, 2,8 или 3,2. Се чува во фрижидер до неколку денови.
ПОСТАПКА: Млекото се става во тенџере на оган. Во тенџерето додајте ја солта и промешајте и почекајте млекото да почне да се затоплува. Настрана исцедете сок од 1 лимон, а потоа процедете го за да ја отстраните пулпата.
Пред моментот на зовривање на млекото, ставете го лимоновиот сок и измешајте. Варете на среден оган додека млекото да зоврие. Тоа ќе започне да се соединува во помали грутчиња, па затоа уште еднаш промешајте по зовривање и оставете да вари уште 10 минути.
По изминатото време, повторно вратете се да го измешајте млекото и покријте го тенџерето со соодветен капак. Се вари уште 10 минути. Убаво се вари со постојано мешање додека сирењето да започне да се одвојува од сурутката.
Потоа тргнете го од оган и истурете го во цедалка со газа, на која ќе остане сирењето, а сурутката ќе се исцеди во садот под него. Сурутката може да ја користите за подготвување на леб и разни печива. Во цедалката може да ставите уште некој сад кој пропушта течност кој ќе ви помогне во формирањето на сирењето.
Кога добро ќе се исцеди сирењето на рака, оставете го спакувано во пластичниот сад за да продолжи да се цеди. Одозгора покријте го со вишокот газа и врз него ставете тежок предмет. Оставете да се формира околу 2-3 часа.
По изминатото време, сирењето е подготвено за јадење, но дополнително може да го ставите во фрижидер за уште повеќе да се стегне, бидејќи по отстојувањето дополнително омекнува и станува како зденка. Деталите од целата постапка можете да ги погледнете во видеото ОВДЕ.
