Голем број луѓе веруваат дека соништата се потсвесни пораки и често бараат смисла и значење во нив. Овие соништа понекогаш се вистински кошмари, а меѓу нив се и оние на кои забите ви скапуваат и паѓаат.
Студијата објавена во 2018 година од Frontiers in Psychology наведува дека дури 39 отсто од испитаниците изјавиле дека барем еднаш сонувале дека им паѓаат забите, пренесува NMD.mk.
Народните претскажувања за ваквите соништа обично се поврзани со лоши прогнозирачки исходи за некој наш близок член од семејството, со што се предвидува дека наскоро ќе се разболи или умре. Но, што вели науката на оваа тема?
Научниците ја истражувале можноста таквиот сон да се поврзе со здравјето на усната шуплина на забите, како и со психолошки проблеми. Не нашле јасен одговор, но причината можеби е во тоа што соништата немаат само едно значење.
Психологот и експерт за соништа Рубин Најман вели дека толкувањето на соништата е поврзано со емоциите што ви ги буди неговата симболика. Повеќе се работи за личното, а помалку за буквалното значење.
Можеби, Јунговото колективно несвесно за симболот „паднат и расипан заб“, сепак има некое универзално значење. Затоа, експертите наведуваат пет основни толкувања за соништата за губење на забите.
1. Чувство на срам и несигурност. Забите навистина не паѓаат сами од себе, што го прави овој сон особено бизарен и е во спротивност со теоријата дека соништата се само консолидација на сеќавањата. Ако прифатиме дека соништата претставуваат емоции и не се само буквални симболи, можно е паѓањето на забите да претставува недостаток на самодоверба.
На крајот на краиштата, кој не би се чувствувал помалку самоуверен доколку забите наеднаш изгнијат и испаднат? Следниот пат кога ќе имате таков сон, размислете за ситуации во вашиот живот каде што сте чувствувале срам или кога сте се сомневале во себе.
2. Трансформација. Познатиот психијатар Карл Јунг верувал дека таков сон претставува повторно раѓање и трансформација. Имено, што се случува кога ќе ви испаднат млечните заби? Трајните заби избиваат. На овој начин, губењето заб во сон може да се толкува како знак на раст и позитивна промена.
3. Недостаток на контрола. Според оваа теорија, паѓањето на забите во сон може да укаже на недостаток на контрола. Никој не сака да му паднат забите, па ако имате такви соништа, размислете дали во вашиот живот се случува нешто што ве прави да се чувствувате беспомошни и дали сте соочени со ситуација врз која немате никакво влијание.
4. Загуба и тага. Соништата за паѓање на забите исто така може да претставуваат загуба, па дури и тага. Таквиот сон е од вознемирувачки карактер, па затоа треба да се запрашате дали неодамна сте изгубиле нешто. Ако вашата потсвест се обидува да се помири со загубата во реалниот живот, тоа може да се одрази во вашите соништа.
5. Можеби навистина имате проблеми со забите. На крајот на краиштата, постои можност вашите соништа да се поврзани со проблеми со забите. Во една студија објавена во Frontiers in Psychology, научниците открија врска помеѓу соништата за забите и вистинските проблеми со забите што луѓето ги чувствуваат кога ќе се разбудат.
Меѓу нив е и несвесното крцкање на забите, но тешко е да се каже дали токму тоа е причината за кошмарот. Тие веруваат дека непријатноста и можната болка можеби нашле начин да се вклучат во вашите соништа.
Што да се прави? Наиман верува дека со секој сон што се повторува, особено ако е негативен и застрашувачки сон, ние се обидуваме ментално да ги решиме проблемите што нè мачат. Може да помогне ако се обидете да ја најдете причината, односно вистинскиот корен на проблемот.
Запамтете го сонот со што е можно повеќе детали, а потоа размислете за сите нив, но и за сонот како целина и неговите симболи. Обидете се да го протолкувате и да дознатете што сака вашето несвесно да ви каже. „Ако луѓето имаат повторливи соништа, многу е важно истите добро да се изанализираат“, вели тој.
Следниот пат кога ќе се соочите со вакви непријатни соништа, запрашајте се какви чувства предизвикуваат кај вас и дали ве тераат да запомните нешто. „Обично сето тоа има смисла и кога луѓето ги толкуваат нивните соништа, полесно ги надминуваат“, вели Наиман.
Ако таков сон ви пречи и не можете да го протолкувате, тој ве советува да контактирате психолог со кој отворено ќе разговарате за проблемот. Но, ако погледнете малку во потсвеста, можеби одговорот на прашањето што ве мачи ќе дојде сам по себе. Повеќе прочитајте ОВДЕ.
Прочитајте: Соновник за мајка, што значи ако ја сонувате мајка ви: Некои ситуации сугерираат среќа, додека други носат важна порака – ОВДЕ. Покојните не доаѓаат на сон без причина, еве зошто ги сонуваме и зошто не треба тоа да ве плаши, прочитајте ОВДЕ.
