Едноставно ги сакам шам ролните. Се сеќавам дека мојата сосетка секогаш ги правеше за слава и јас само нив ги јадев од сите колачи. Иако оние со „шам“ се класични, тие со обичниот крем од ванила ми се најубави. Овој пат ги направив двата вида. Според мене, ова е еден од наједноставните колачи. Еве што ви е потребно:
ПОТРЕБНИ СОСТОЈКИ: 1 кг лиснато тесто
КРЕМ ОД ВАНИЛА:
4 жолчки
100 г шеќер
25 г пченкарен скроб/нишесте/густин
25 г брашно
1 лажичка екстракт од ванила (или ванилин шеќер)
500 мл млеко
250 г маскарпоне сирење (или друго крем сирење)
ШАМ:
4 белки
200 г шеќер во прав
1 сок од лимон
1 лажичка арома со вкус на рум
И уште:
шеќер во прав за посипување
путер за цилиндричните калапи
ПОСТАПКА:
За оваа мерка ви треба 1 кг лиснато тесто. Можете да користите домашно лиснато тесто или, како мене овој пат, купено во продавница. Работната површина посипете ја со малку брашно и развлечете го тестото до дебелина од 3 мм.
Исечете го тестото широк 2 цм и должина 20 цм. Кога ќе го исечете тестото, намачкајте ги со путер калапите за овие „шам ролнички“ и секоја лентичка од тестото завртете ја околу еден калап.
Завитканиот калап ставете го на плехот и продолжете додека да го потрошите целото тесто. Лентите можете да ги опфатите за двата краја и уште повеќе да ги истегнете и да направите подолги ролати.
Ако случајно некаде ви се скинат, само надоврзете го тестото и тоа ќе се покрие. Печете ги во загреана рерна на 200 степени околу 20 минути додека малку да заруменат.
Подгответе четири јајца и одвојте ги жолчките од белките. Вака ќе направиме два вида креми. Изматете ги пенесто жолчки и додајте 100 г шеќер.
Продолжете со матење додека да добиете кремаста структура. Потоа рачно и полека додајте 25 г пченкарен скроб. Нежно промешајте за да нема грутчиња. Додадете и 25 г брашно. Додајте арома на ванила.
Сега повторно изматете сè со миксер. Подгответе 500 мл млеко и полека додајте околу една третина во кремот. Остатокот од млекото загрејте го на тивок оган без да зоврие. Додајте ја смесата што ја направивме и почнете да мешате.
Вака варете 5 до 10 минути на тивок оган со постојано мешање додека да згусне. Префрлете го кремот во друг сад да се излади. Кога кремот ќе се олади, изматете ја со миксер за да се изедначи.
Подгответе 250 г маскарпоне сирење. Во сирењето маскарпоне додајте малку крем за убаво да се измеша. Постепено додавајте го кремот додека да стане убаво изедначено.
Кога смесата ќе се изедначи, префрлете ја целата во кремот и нежно измешајте со лажица. Оставете го кремот во фрижидер да се излади 2 часа.
Вториот дел од филот е „шамот“ кој ќе го направиме така што ќе изматиме 4 белки додека да добиеме цврст снег.
Додајте сок од еден лимон и продолжете со матење. Додадете 200 г шеќер во прав и убаво измешајте. Додајте ја аромата од рум и продолжете со матење 3 до 4 минути.
Во тенџере ставете вода да зоврие на средна температура и врз неа ставете го садот со белките. Гответе на многу тивок оган околу половина час, со постепено мешање, додека пената од белката целосно да се свари.
Тргнете го од оган и постепено мешајте додека да се излади. Подгответе две слаткарски кеси и наполнете ги со двата фила. Лесно наполнете ги „ролничките“ со двата вида фил.
На крајот, малку посипете со шеќер во прав за да го добиете овој нежен изглед. Оставете ги да отстојат барем преку ноќ во фрижидер пред да ги послужите. Видеопрезентацијата погледнете ја ОВДЕ. Сооlinarika.сom
