Овесна каша со вкус на тирамису за слабеење
Подгответе си здрав и вкусен појадок што ќе ви помогне да ја одржите линијата без да се откажете од уживањето во десерти.
Оваа овесна каша со вкус на тирамису е без додаден шеќер, а комбинацијата од чиа семе, овес и кокосово млеко дава кремаста текстура и богат вкус, совршен за енергичен почеток на денот, пишува НМД. Еве што ви е потребно:
Потребни состојки:
– 1 лажица чиа семе
– 2 лажици овесни снегулки
– 1 лажичка црно кафе
– 1 лажица мед
– 120 мл кокосово млеко
– 60 мл кисела павлака
– 1 лажичка какао во прав
– НМД
Постапка:
1. Во сад измешајте ги чиа семето, овесните снегулки, црното кафе, медот и кокосовото млеко.
2. Добро промешајте ја смесата и оставете ја да отстои 2 часа на собна температура или во фрижидер, за да се згусне.
3. По 2 часа, можете да го приготвите вашето „тирамису“. Во чаша ставете слој од овесната каша, па слој кисела павлака и продолжете додека да ви се потроши материјалот..
4. На крај, посипете ја површината со какао во прав.
5. Сервирајте ја овесната каша свежа и уживајте во здравиот појадок со вкус на тирамису.
Овој рецепт е едноставен, хранлив и идеален за оние што сакаат да уживаат во вкусен појадок без грижа за вишок калории. Постапката погледнете ја во видео прилогот ОВДЕ:
https://www.youtube.com/watch?v=Rmq1e1iZQoI
