Кафето е еден од најпопуларните пијалоци во светот. Благодарение на високото ниво на антиоксиданти и корисни хранливи материи, тоа е многу здрава намирница. Истражувањата покажуваат дека луѓето кои пијат кафе имаат многу помал ризик од неколку сериозни болести.
Кафето е исклучително популарен напиток низ целиот свет кој може да се пофали со бројни импресивни здравствени придобивки.
Не само што секојдневната шолја кафе може да ви помогне да се чувствувате поенергично, побрзо да ги согорувате маснотиите и да ги подобрите телесните перформански, тоа исто така, може да го намали ризикот од неколку состојби како што се дијабетес тип 2, карцином, Алцхајмерова и Паркинсонова болест. Ова се топ 13 благодети на кафето:
Може да го подобри нивото на енергија и да ве направи попаметни. Кофеинот го блокира инхибиторниот невротрансмитер во вашиот мозок, предизвикувајќи стимулирачки ефект. Ова го подобрува нивото на енергија, расположението и различните аспекти од функцијата на мозокот.
Помага при слабеење. Неколку студии покажуваат дека кофеинот може да го зголеми согорувањето на мастите и да го зајакне метаболизмот.
Може драстично да ги подобри физичките перформанси. Кофеинот може да го зголеми нивото на адреналин и да ослободи масни киселини од вашето масно ткиво. Ова исто така доведува до значително подобрување на физичките перформанси.
Може да го намали ризикот од дијабетес тип 2. Неколку опсервациски студии покажуваат дека луѓето кои пијат кафе имаат многу помал ризик од дијабетес тип 2, сериозна состојба што погодува милиони луѓе ширум светот.
Може да ве заштити од Алцхајмерова болест и деменција. Луѓето кои пијат кафе имаат многу помал ризик од Алцхајмерова болест, која е водечка причина за деменција во светот.
Го намалува ризикот од Паркинсонова болест. Луѓето кои пијат кафе имаат до 60% помал ризик да заболат од Паркинсонова болест, второто најчесто невродегенеративно нарушување.
Може да го заштити црниот дроб. Луѓето кои пијат кафе имаат многу помал ризик од цироза на црниот дроб, што може да биде предизвикано од неколку болести кои влијаат врз црниот дроб.
Помага при д епресија. Д епресијата е сериозно м ентално нарушување што предизвикува значително намален квалитет на живот. Кафето го намалува ризикот од развој на д епресија и може да спречи разни тешки м ентални состојби.
Може да го намали ризикот од одредени видови на рак
Ракот на црниот дроб и дебелото црево е третата и четвртата водечка причина за с мрт од рак во светот. Оние кои пијат кафе имаат помал ризик од обете. Истражувањата покажуваат дека луѓето кои пијат кафе имаат помал ризик од рак на црниот дроб за 40%.
Напомена: оваа содржина, вклучително и советите нудат само генерички информации за здравствените придобивки на одредени природни намирници. Ова во никој случај не е замена за квалификувано медицинско мислење. Секогаш консултирајте се со специјалист или со вашиот матичен лекар за повеќе информации.
