Русka салата (Olivier) – класика што секогаш освојува 🥗
Руската салата, позната и како Olivier салата, е еден од оние безвременски рецепти што со децении го задржуваат своето место на трпезата.
Кремаста, богата и совршено балансирана, оваа салата е идеален избор и за свечени пригоди и за секојдневни оброци.
Во продолжение ви го претставуваме проверениот класичен рецепт, подготвен со многу љубов, пишува НМД. Еве што ви е потребно:.
Потребни состојки:
400 г варени компири
3–4 варени моркови
5 варени јајца
300 г кашкавал
300 г кисели краставички
300 г пилешка салама или шунка
350 г грашок (конзервиран)
3 лажички павлака
400 г мајонез
сол по вкус
мелен црн бибер по вкус
НМД
Постапка:
Компирите, морковите и јајцата сварете ги додека да омекнат. Оставете ги целосно да се изладат, па излупете ги.
Компирите исечете ги на мали, рамномерни коцки. Истото направете го и со морковите.
Јајцата ситно исечкајте ги, а кашкавалот, киселите краставички и пилешката салама или шунката исечете ги на мали коцки.
Грашокот процедете го од течноста и додајте го во поголем сад за мешање заедно со сите претходно подготвени состојки.
Посолете и зачинете со мелен црн бибер по вкус.
Додајте ја павлаката, потоа мајонезот и внимателно промешајте додека да се соединат сите состојки во хомогена, кремаста салата.
Покријте го садот и оставете ја салатата во фрижидер најмалку неколку часа, додека да се изладат и спојат вкусовите.
Послужете ја руската салата добро изладена и уживајте во нејзиниот богат, класичен вкус. Совршена е како предјадење, прилог или самостоен оброк. Постапката погледнете ја во видео прилогот ОВДЕ:
