ПРЕВКУСЕН РУЧЕК СО ПАЛАЧИНКИ ВО ФИЛ ОД СЛАНИНА, маж ми секој ден бара ова го да му го подготвувам. Рецепт на Гурман ТВ. Многу вкусен и обилен ручек со палачинки, нема да зажалите ако го направите, но, ќе ви бидат потребни многу јајца.
Се исплати да го направите зошто е толку обилен што не може многу да изедете, а ќе имате и за вечера. Прво се подготвуваат палачинките, се печат, па се почнат со фил и одозгора се преливаат со глазура.
Потребни состојки за палачинки: 8 јајца, 5 г сол, 300 г брашно, 6 лажици масло, 450 мл млеко. За фил: 100 г сланина, 5 јајца, 150 г кајмак, прстофат кари, сол по вкус, 50 г младо лукче. За глазура: 8 јајца, 150 г кајмак, сол по вкус, 140 г рендан кашкавал.
Постапка: Прво ја подготвувате смесата за палачинки. Во подлабок сад ставете ги 8-те јајца, посолете и разматете ја пенасто смесата со миксер. Потоа додајте го брашното, маслото и млекото и повторно соединете се со миксер.
Загрејте нелепливо тавче за палачинки и печете една по една палачинка по 1-2 минути по страна додека да зарумени. Палачинките складирајте ги во поголема чинија. Подготовка на филот: Ситно исечкајте ја сланината на коцки.
Ставете да се запржи во тавче додека да порумени, а во меѓувреме подгответе смеса од 5 јајца со сол. Разматете ги јајцата и во нив додајте го кајмакот. Оваа смеса прелијте ја во тавчето со пржена сланина и со постојано мешање на ниска температура направете омлет.
Во омлетот додајте прстофат кари, а за солта внимавајте бидејќи и сланината е доста солена. Пред да го тргнете омлетот од рингла додајте го ситно исечканото младо лукче и промешајте.
Секоја палачинка полнете ја со 1-2 супени лажици од филот на една страна, а потоа свиткајте ја на половина, и потоа на уште една половина – да добие изглед на триаголник. Вака палачинките редете ги во кружен намастен огноотпорен сад со врвот накај средина.
Наредете еден ред палачинки, значи 4 на дното, а одозгора прелијте со следнава смеса: Изматете ги последните 8 јајца, во нив додајте го кајмакот, солта. Прелијте врз палачинките половина од смесата.
Одозгора наросете со 70 г рендан кашкавал, па наредете уште 4 палачинки односно уште еден слој. Потоа преливате со остатокот од течната смеса, наросувате со другата половина од кашкавалот и ставате на печење.
Палачинките се печат во претходно загреана рерна на 180 степени, околу 30-тина минути. Ручекот се послужува топол, но и ладен е подеднакво вкусен. Деталите од целата постапка можете да ги погледнете во видеото ОВДЕ.
