Потребни состојки:
15 помали пиперки
4 компири
1 морков
2 зрели, поголеми домати
1 главица кромид
1 чешне лук
2 лажици сечкан лист од магдонос и целер
1 лажичка сол
½ лажичка мелен црн пипер
4 лажици масло
Постапка:
Целиот зеленчук измијте го, пиперките исчистете ги од семето и оставете ги на страна.
Компирот излупете го, морковот и кромидот, па изрендајте, додадете сечкан магдонос и целер.
Излупете го доматот, па еден ставете го во зеленчукот а другиот ќе го искористите подоцна.
Додадете и сечкан лук, сол, црн пипер, 2 лажици масло, промешајте да се соедини.
Полнете ги пиперките со приготвената смеса и редете ги во намастена тепсија за печење.
Во сокот што го испуштил зеленчукот при рендањето додадете 2 лажици масло и изрендан домат, па истурете помеѓу пиперките.
Овие пиперки не треба со ништо да се затвораат. Одозгора покријте со хартија за печење а не со капак, за да се печат пиперките а не да се варат.
Печете на 200 степени околу еден час.
Пред крајот на печењето треба да се тргне хартијата и малку да се појача температурата за да фатат убава боја.
serbiancafe.com
