Потребни состојки:
500 мл млеко
4 јајца
200-300 г брашно
Малку масло и сол
200 г сирење
200 мл јогурт
1 лажица павлака
Малку кашкавал
Малку млеко
Постапка:
Изматете 2 јајца, додадете половина млеко, малку масло, брашно, па измешајте добро за да нема грутчиња. Додадете го остатокот од млекото и добро изедначете да се добие поретко тесто. Печете не многу тенки палачинки.
Сирењето издробете го, додадете едно јајце и изедначете. Во секоја палачинка ставете по една лажица сирење, свиткајте ги да добиете четвороаголна форма и редете ги во подмачкан плех.
Изматете го последното јајце, додадете јогурт и малку млеко, измешајте и прелијте преку палачинките.
Одозгора изрендајте малку кашкавал. Печете на 200 степени околу 35 минути.
