Рецептот на Гордана сигурно ви е познат уште од дамнина, обично нашите мајки знаеја да го приготват за некои специјални гости, а постапката е многу интересна и едноставна.
Сите состојки во буквална смисла се излеваат во еден плех за печење, а потоа само колачињата се виткаат како ролати, а Гордана ги нарекува „сармички од јагоди“. Овој кремаст колач може да се сретне и под имињата „паша локум“ и „султанова сарма“.
Многу домаќинки се воодушевија на рецептот, особено поради тоа што е малку подзаборавен рецепт. Коментар на Драгана Михајловиќ: „Кога овој колач е во прашање, јас сум во состојба да го изедам сама, не знам за граница, толку го сакам.“ Коментар на Јелена: „Превкусен кремаст колач, во оваа варијанта е превкусен.“ Еве кои состојки ви се потребни:
ПОТРЕБНИ СОСТОЈКИ: 1 литар млеко, 100 г шеќер, 60 г згуснувач (густин/скроб/нишесте), 120 г бело брашно, 1 желатин, 400 г јагоди, 100 г шеќер во прав, 100 г путер, 200 г кокос. Ова е многу евтин колач кој може да се подготвува со различни филови, може да се замени овошјето по вкус, но со јагоди е посебен.
ПОСТАПКА: Во еден поголем плех или тава (класична од рерна) се наросува 200 г кокос преку целата површина на тавата, па малку со шпатула или со лажица се распоредува за сегде да се фати подеднакво од кокосот. Во пластичен сад ставете 1 кесичка желатин и подгответе го според упатството, кај мене се раствора со 2 лажици ладна вода.
Малку промешајте го желатинот и оставете неколку минути додека да се раствори. Во едно тенџере сипајте 1 литар млеко, па во него додајте 100 г шеќер. Вклучете ја ринглата да загрее на ниска температура, па промешајте за шеќерот да не остане на дното од тенџерето.
Во тенџерето додајте 60 г густин, 120 г брашно, па повторно измешајте. Кога млекото ќе почне да зоврива, намалете ја температурата на најниско и со непрекинато мешање, гответе додека смесата да се згусне, да има слична конзистентност како пудинг, на пример.
Потоа, тргнете го тенџерето од рингла и додека е уште врело додајте го путерот (100 г) и измешајте додека да почне да се растопува во кремот. Путерот ќе почне веднаш да се растопува, со оглед на тоа што кремот сè уште ја држи истата температура, веднаш по тргнувањето на тенџерето од ринглата.
Врелата смеса се излева веднаш преку кокосот и нежно се распоредува по целиот плех со шпатула. Бидете внимателни за кокосот да си остане на дното од тепсијата. Преку фолијата се обвиткува со стреч-фолија. Во меѓувреме, на пареа се растопува желатинот и кога ќе почнат да се формираат поголеми плаки од него се трга од пареата.
Во блендер се миксаат 400 г јагоди кои претходно треба да бидат добро измиени и да им се извади зелениот дел (може да користите и замрзнати, доколку не можете да најдете свежи). Кога ќе почне да се формира густа смеса, се додава 100 г шеќер во прав и се соединува нежно со шпатула. Во јагодите се додава и желатинот, па смесата веднаш се соединува.
Вака подготвениот фил со јагоди се прелива врз кремозната смеса која претходно ја подготвивте, па целиот плех се става во фрижидер да отстои 2-3 часа. По изминатото време, се сечат поголеми правоаголници, па секој правоаголник се витка како ролат (сармичка). Деталите од целата постапка можете да ги погледнете во видеото ОВДЕ.
