Многу лесно се приготвуваат, одлични ситни колачи.
Потребни состојки: 400 г мелени бисквити, 360 г шеќер, 4 лажици какао, 8 лажици млеко, 2 ванилин шеќер и 200 г путер/ маргарин.
За фил: 4 жолчки, 2 цели јајца, 12, лажици шеќер, 2 лажици брашно, 2 лажици млеко, 50 г чоколадо (Менаж) и 200 г путер/маргарин
Постапка:
За фил: жолчките, јајцата, шеќерот, брашното и млекото варете ги додека да згуснат. Додајте чоколадо. Кога филот ќе излади додајте изматен путер и сето убаво изматете го да се соедини.
За тесто: соединете ги состојките за тесто, со рака замесете и правете топчиња со големина на орев, па валајате ги во шеќер.
На цедалка за лимон од внатрешната страна втиснувајте го топчето во ѕидовите на цедалката. Потоа со лажиче ставајте од филот.
Потоа со малку тесто направете капаче и затворете ја пирамидата, па со посилен удар истресете ја пирамидата од цедалката врз дланка. По желба врвовите од пирамидата можете да ги прелиете со глазура од чоколадо.
