Подгответе го ова вкусно пилешко месо со лук и добиете многу вкусен ручек кој го слуѓат само во елитните ресторани. Кога пилешките филети ќе ги зачинете и запржите во путер со лук, тие стануваат не само сочни, туку и неодоливи мирисни и вкусни. Ви го претставуваме овој едноставен и вкусен рецепт, еве што ви е потребно:
ПОТРЕБНИ СОСТОЈКИ: 500 г пилешки филети (бело месо), сол и црн пипер по вкус, 2 супени лажици брашно + 1 мала лажичка брашно, 40 г путер, 5-6 чешниња лук, 1/2 чаша бистра зеленчукова/пилепка супа (бујон, околу 100-150 мл), 1 лажичка суво оригано, 1 лажичка лимонов сок, една рака свеж магдонос
ПОСТАПКА: Пилешкото месо добро измијте го под млаз ладна вода, исцедете го и избришете го хартиена салветка од влагата. Пред подготвката на месото не треба да има остатоци од водата. Потоа исечете го на коцки со големина на залак.
Исечканото пилешко месо претурете го во некој сад во кој полесно ќе го мешате, па посолете го и зачинете го со мелен црн пипер. промешајте го за да се распоредат зачините, па одозгора наросете го со две супени лажици брашно.
Повторно промешајте за да се распореди брашното, а секое парче убаво да се обложи од сите страни (исто како кога похувате). Во една нелеплива тава ставете малку растително масло да се загрее на умерено јак оган.
Потоа додајте го сечканото пилешко месо и зарпжете го со повремено промешување додека да добие убава румена боја од сите страни. месото извадете го, а во истата тава додајте 40 г путер исечен на коцки и оставете да се растопи на многу тивок оган.
Во меѓувреме исчистете ги 5-6 чешниња лук и исечкајте ги многу ситно. Додајте го лукот во растопениот путер и запжете го кратко додека да омекне. Потоа додајте една мала лажичка брашно и промешајте.
Мешајте кратко додека и брашното да се запржи, зачинете со оригано и малку лимонов сок, а потоа додајте го пилешкиот/зеленчуковиот бујон (ако немате готов, можете да растворите коцка супа во обична вода). Промешајте и додајте го претходно запрженото пилешко месо.
Промешајте уште кратко време додека да испари вишокот течност а месото да ги прими сите вкусови. На крај додајте ситно сечкан свеж магдонос, и послужете го пилешкото со вашиот омилен прилог. Деталите од целата постапка можете да ги погледнете во видеото ОВДЕ.
