Потребни состојки:
200 г пченкарно брашно
200 г пченично брашно
2 јајца
Сол по потреба
1 прашок за печиво
300 г брокули (свеж или замрзнат)
200 мл масло
300 мл млеко
100 г кашкавал (може и свежо младо сирење)
Малку сусам за наросување одозгора
Постапка:
Брокулата кратко избланширајте ја, процедете ја и исечкајте ја на ситни парчиња.
Изматете ги јајцата со сол (количината зависи од тоа кое сирење го користите), постепено додавајте масло и млеко, па потоа двете брашна измешани со прашок за печиво. На крај со шпатула измешајте го сирењето (ако е ајдамер исечете го на коцкички) и брокулата.
Фино соединете и излејте во намастен плех. Одозгора наросете сусам.
Печете на 200 степени околу 20 минути, убаво да зарумени.
Исечете на коцки и сервирајте по желба.
Од оваа смеса можете да правите и солени мафини.
