Старински кифлички со џем од сливи – меки како облак
Овие традиционални кифлички се вистинско богатство од минатото: мирисни, совршено слатки и неверојатно меки, како да се топат во уста.
Посипани со кокос и натопени во лесен шеќерен сируп, тие остануваат свежи и меки дури и следниот ден.
Идеални се за утринска кафа, попладневен чај или како срдечен подарок за најблиските. Еден залак ќе ве врати во детството – пробајте ги и сигурно ќе ги приготвувате повторно, пишува НМД. Еве што ви е потребно:
Потребни состојки
За тестото:
– 300 мл млако млеко
– 2 јајца
– 200 мл масло
– 100 г шеќер
– 8 г сув квасец или 25 г свеж квасец
– 700 г брашно
– 2 кесички ванилин шеќер (18 г вкупно)
– џем од сливи за полнење (по потреба)
– НМД
За сирупот:
– 200 г шеќер
– 300 мл вода
За посипување:
– 100 г кокосово брашно
Постапка
1. Во поголем сад ставете го млакото млеко, додајте го шеќерот, ванилиниот шеќер и квасецот. Промешајте и додајте мала количина брашно за да се активира квасецот.
Покријте со крпа и оставете да отстои 5-10 минути додека да се создаде пена.
2. Во активираниот квасец додајте го маслото и јајцата на собна Т. Постепено внесувајте го преостанатото брашно и замесете меко тесто кое не се лепи за рацете.
Ќе потрошите точно 700 г брашно – тестото треба да остане еластично и мирисно на ванила.
3. Ставете го тестото во намазнет сад, покријте го и оставете да стасува 15-20 минути на топло место.
4. Поделете го нараснатото тесто на 5 еднакви топчиња. Секое топче развлечете го во тенок круг (што потенко, толку подобро) и исечете на 8 триаголници.
5. На широкиот дел од секој триаголник ставете полна лажичка густ џем од сливи.
Преклопете ги страничните делови за да го затворите филот, притиснете и свиткајте во облик на кифличка – вака џемот нема да истекува за време на печењето.
6. Редете ги кифличките во плех обложен со хартија за печење, оставајќи мал простор меѓу нив. Оставете ги да стасуваат уште 15 минути.
7. Печете во загреана рерна на 180°C околу 15 минути, додека благо да поруменат – внимавајте да останат меки.
8. Додека се печат кифличките, подгответе го сирупот: ставете го шеќерот и водата да провријат и варете 5 минути. Оставете да се излади.
9. Топлите кифлички лесно наквасете ги со ладниот сируп (не ги потопувајте премногу) и веднаш валајте ги во кокосово брашно – така ќе се залепи совршено.
10. Оставете ги да се оладат целосно. Чувајте ги во затворена кутија на ладно место – колку подолго стојат, толку се помеки. Се добиваат околу 40 парчиња – доволно за целото семејство и за подарок.
Уживајте во овие неодоливи старински кифлички и споделете ги со најмилите! Постапката погледнете ја во видео прилогот ОВДЕ:
