Паметна руска салата – елегантен и лесен рецепт за новогодишната трпеза 🎄
Оваа модерна верзија на класичната руска салата е совршен избор за свечени пригоди, особено за новогодишната ноќ.
Со внимателно избрани состојки, фина текстура и ефектна презентација, салатата изгледа луксузно, а се приготвува навистина едноставно, пишува НМД. Еве што ви е потребно:
Потребни состојки:
• 2 моркови
• 2 компири
• 150 г грашок
• 3 јајца
• 4 кисели краставички
• 150 г пилешка шунка
• 150–200 г мајонез
• сол, по вкус
• црн бибер, по вкус
За декорација:
• ситно сечкан магдонос
• зрна од калинка
Дополнително:
• кружен калап со дијаметар од 22 см
• НМД
Начин на подготовка:
Морковите и компирите излупете ги и исечете ги на приближно еднакви парчиња.
Ставете ги да се варат заедно со грашокот во околу 1 литар вода и варете 20 минути или додека да омекнат. Потоа процедете ги и оставете ги целосно да се изладат.
Јајцата сварете ги тврдо, излупете ги и исечкајте ги ситно, па оставете ги настрана.
Оладените моркови и компири исечкајте ги на мали коцкички и ставете ги во подлабок сад.
Додајте го грашокот, ситно сечканите кисели краставички (претходно добро исцедени од вишокот течност), ситно сечканата пилешка шунка и варените јајца.
Во смесата додајте го мајонезот, посолете и запиперете по вкус. Внимателно промешајте со лажица, додека да се соединат сите состојки, без да се изгуби нивната структура.
На чинија за сервирање поставете кружен калап со чаша во центарот, за да добиете декоративен отвор.
Распоредете ја салатата рамномерно, нежно притискајќи. Ставете ја во фрижидер најмалку 2 часа, додека да се олади и убаво да се стегне.
Пред сервирање, внимателно отстранете ги чашата и калапот. Декорирајте со ситно сечкан магдонос и зрна од калинка за свеж и празничен изглед.
Совршена како предјадење или како дел од богата празнична трпеза, оваа паметна руска салата сигурно ќе ги воодушеви гостите – и со вкусот и со изгледот. ✨ Постапката погледнете ја во видео прилогот ОВДЕ:
