ДАСХ/DASH диетата осум пати едно по друго е прогласена за најдобра диета на светот, и тоа според стручњаците од американскиот Национален институт за здравствo, а веднаш зад неа на листата е медитеранската диета.
Оваа диета настанала како проект на истражувачите кои го основале Националниот институт за истражување на болестите на срцето, белите дробови и крвта во САД.
Основната идеја била да се осмисли диета која ќе го спречува растењето на притисокот, но се покажало дека одлично го елиминира и лошиот холестерол, а ништо помалку ефикасно не ги топи и масните наслаги.
Се темели на зеленчук и житарки од цело зрно, како и низок внес на црвено месо, слатки и пијалаци кои содржат шеќер.
Што се однесува до критериумите за избор на најдобра диета, за да се добие врвна оценка диетата треба да може лесно да се следи, да биде хранлива, сигурна и ефикасна за губењето на тежината. Не смее да поттикнува шеќерна болест и болести на срцето.
Во образложението на одлуката научниците утврдиле дека ДАСХ/DASH не е хировита исхрана која подразбира долгорочни промени на животниот стил. Оваа и медитеранската диета постојано се наведуваат како најдобар избор од причина што не елиминираат во потполност ниту еден тип намирници.
Добро се балансирани и едноставно се спроведуваат затоа што вклучуваат најразлични намирници, кои се фини и заситуваат, а зад нив стои цела низа истражувања која го докажале благотворното влијание врз здравјето.
Од друга страна, ограничувачките диети како кето и Whole30 диетите не се добри затоа што додека ограничувањето на внесот на одредени видови храна може да доведе до брзо губење на тежината, која било диета која потполно исклучува некој тип намирници има голем потенцијал после завршувањето на истата да има контра ефект.
