„Освежување од 2 лимони и 1 портокал: 2,5 литри чиста лимонадна магија“
„Лето без лимонада е како море без бранови“ – оваа стара поговорка совршено го доловува чувството што го носи овој домашен пијалак.
Со само два лимона и еден портокал, можете да создадете околу 2,5 литри неверојатно освежувачка лимонада, идеална за топлите денови.
Овој сок е бистар, лесен и полн со природен вкус, со совршена рамнотежа меѓу киселоста и сладоста, пишува НМД.
Богат е со витамин Ц, го зајакнува имунитетот и помага во хидратација, а неговата природна свежина го прави далеку подобар од купечките лимонади, кои често се полни со вештачки шеќери и конзерванси.
Домашен сок значи контрола врз состојките и уживање во чиста, оригинална арома – нешто што ниедна продавница не може да го понуди. Еве што ви е потребно:
Потребни состојки:
– 2 лимони 
– 1 портокал 
– 1,5 чаши шеќер (околу 250-300 мл, по вкус – може да се намали или зголеми или да се користи друг засладувач, како што е стевија – со 0 калории)
– 2,5 литри вода
– НМД
Постапка
Измијте ги добро лимоните и портокалот, бидејќи ќе ги користите и нивните кори. Најдобро е да ги истриете со сода бикарбона неколку минути, па да ги исплакнете.
Отстранете ги краевите и исечете ги на крупни парчиња. Доколку имаат семки, отстранете ги.
Ставете ги исечените лимони и портокал во кеса за замрзнување, затворете ја добро и оставете ги во замрзнувач преку ноќ.
Овој чекор е клучен за да се извлече максималниот вкус и да се избегне горчливост.
Следниот ден, извадете ги од замрзнувачот и оставете ги да отстојат 10-15 минути на собна температура, за да не го оштетите блендерот.
Ставете ги парчињата во блендер, додајте 1 чаша шеќер (250 мл) и малку вода (околу 1 чаша).
Блендирајте додека да добиете изедначена, мазна смеса, но внимавајте да не го преоптоварувате блендерот – правете паузи ако е потребно. Не чекајте да се одмрзнат целосно, за да избегнете горчлив вкус.
Префрлете ја смесата во голем сад, додајте 2 литри вода и добро измешајте додека шеќерот целосно се раствори.
Пробајте го вкусот – ако е премногу кисело, додајте уште половина чаша шеќер. Ако е густо, додадете уште половина литар вода (до вкупно 2,5 литри).
Прецедете ја смесата низ газа или густо сито за да ги отстраните корите и пулпата. Ова мора да се направи веднаш, без чекање, за да се спречи појава на горчина.
Истурете ја готовата лимонада во чаши со мраз и уживајте во нејзиниот свеж, природен вкус.
Совети:
– Можете да експериментирате со односот – 2 портокали и 1 лимон за помека, послатка верзија.
– Чувајте го сокот во фрижидер и консумирајте го во рок од 1-2 дена за најдобар вкус.
Оваа лимонада не е само пијалак – таа е ритуал на освежување, создаден со љубов и едноставност. Направете ја и уверете се зошто домашното секогаш победува!
Деталите од постапката можете да ги погледнете во видео прилогот ОВДЕ:
https://youtu.be/KuKebQ-yYq8?si=Guk_iO4DtEY1OrVK
