Мека, топла и миризлива – оваа погача исчезнува за 10 минути!
Ако барате домашна мека погача со богат вкус, оваа корнет погача е вистински избор.
Се подготвува лесно, а резултатот е воздушеста текстура и совршена рамнотежа меѓу тестото и филот. Овој рецепт, инспириран од традиционалната кујна, е идеален за појадок, десерт или семејни моменти.
👉 Благодарение на едноставните состојки и практичната подготовка, оваа погача е чест избор за домаќинства кои сакаат економични рецепти, брзи печива и домашни десерти со висок квалитет, пишува НМД. Еве што ви е потребно:
ПОТРЕБНИ СОСТОЈКИ
За тесто:
• 250 мл млако млеко
• 1 супена лажица цврст јогурт (кисела павлака)
• 1/2 мала лажичка сол
• 30 г шеќер
• 10 г сув квасец
• 1 јајце
• 100 мл масло
• 450–500 г брашно
За фил:
• 180 г младо несолено сирење (крем)
• 2 супени лажици шеќер
• 1 супена лажица густин
• 70 г суво грозје
За трошки:
• 50 г путер
• 2 супени лажици шеќер
• 2 супени лажици брашно
За премачкување:
• 1 жолчка
• 1 супена лажица млеко
ПОСТАПКА
Во длабок сад сипете млако млеко, додајте шеќер, сув квасец, јајце, масло, сол и цврст јогурт. Измешајте со рачна маталка додека состојките да се соединат.
Постепено додајте брашно и мешајте – прво со лажица, а потоа замесете меко тесто со рака. Тестото треба да биде нежно и да се одвојува од садот.
Покријте го и оставете го да ферментира околу 30 минути, односно додека да го удвои волуменот.
Во меѓувреме, подгответе го филот: во сад измешајте сирење, шеќер, густин и суво грозје. Оставете настрана.
Стасаното тесто лесно премесете го и поделете го на 9 еднакви делови. Обликувајте топчиња и оставете ги да одморат 10–15 минути.
Подгответе ги трошките: со прсти измешајте путер, шеќер и брашно додека да добиете ронлива смеса.
Секое топче развлечете го во тенка кора, премачкајте со растопен путер или масло и преклопете го на половина. На двата краја ставете по една лажица фил, затворете и виткајте кон средина за да добиете форма на корнет.
Наредете ги во тркалезна тепсија обложена со хартија за печење, во форма на цвет. Во средина ставете едно полнето топче.
Покријте и оставете да стаса уште 20 минути.
Премачкајте со жолчка и млеко, па посипете со подготвените трошки.
Печете во претходно загреана рерна на 170°C околу 25–30 минути, додека да добие златно-кафеава боја.
Постапка, фотографии и видео прилог – ОВДЕ.
