„Снегулка“ салата од зелка и јајца
Едноставна, лесна и освежителна салата што брзо станува омилена
Оваа нежна салата од зелка и јајца, позната под името „Снегулка“, е совршен пример дека од наједноставни состојки може да се добие навистина вкусно и балансирано јадење.
Лесна е за подготовка, освежувачка и доволно заситна, па е идеален избор кога сакате нешто брзо, а сепак хранливо и елегантно на трпезата, пишува НМД. Еве што ви е потребно:
Потребни состојки:
• 300 г зелка
• 1 свежа краставица
• 4–5 варени јајца
• 1 китка млад кромид
• 1 китка свеж копар
• 3–4 лажици кисела павлака или цврст јогурт
• 0,5 лажичка сол
• 1 лажичка благ сенф
• 2-3 лажици масло или растопен путер (по желба, за побогат вкус)
• НМД
Начин на подготовка:
1. Зелката исечете ја на тенки ленти и ставете ја во поголем сад за салата.
2. Краставицата исечете ја на ленти и додајте ја кај зелката.
3. Јајцата сварете ги, излупете ги и одделете ги белките од жолчките.
4. Белките исечете ги на тенки ленти и додајте ги во салатата.
5. Жолчките посолете ги и испасирајте ги во посебен сад додека да добиете мазна смеса.
6. Кај жолчките додајте го маслото, киселата павлака (или јогуртот) и сенфот, па измешајте додека да се соедини дресингот.
7. Младиот кромид и копарот ситно исечкајте ги и додајте ги во садот со зеленчукот.
8. Сипете го подготвениот дресинг врз салатата и внимателно измешајте сѐ додека состојките убаво да се соединат.
9. Ставете ја салатата во фрижидер најмалку 20–30 минути пред сервирање, за вкусовите целосно да се изедначат.
Оваа салата е лесна, вкусна и визуелно привлечна – совршена како самостоен оброк или како прилог кон главно јадење. Добар апетит! 🥬🥚Постапката погледнете ја ОВДЕ:
