Природен лек кој помага при подигање на имунитетот и искашлувањето. Пробајте да го направите, едноставно е.
Сè што треба да направите е да го издлабите лимонот, односно да ја извадите пулпата од лимонот, така да остане само кората, со тоа што ќе го исечете врвот и ќе добиете мала импровизирана „тегличка“.
Доколку лимонот не е домашен, тогаш пред започнување на постапката убаво ќе го измиете лимонот а потоа ќе го избришете со чиста крпа.
Во импровизираната „тегличка“ од лимонова кора која содржи огромно количество витамин Ц, ставете мед, една лажичка лимонов сок и една лажичка рендан корен од ѓумбир. Нека се исполни речиси до врв.
Вака приготвениот лимон (или повеќе лимони) сместете ги во стаклен сад, затворете и чувајте во фрижидер.
Најдобро е да отстои неколку денови пред консумација.
Се препорачува да се користат две до три лажички дневно, во текот на еден месец. Видно ќе се чувствувате подобро и поенергично.
