Торта без печење, готова е за 10 минути, единствено што се чека е да се стегне во фрижидер. Многу вкусна торта со банани која ќе ве остави без здив. Постапката е многу лесна, за оние кои немаат многу време да подготвуваат торта, а сакаат нешто убаво и вкусно да направат.
Рецептот го најдов на една многу убава страница на интернет и многу ми се допадна што решив веднаш да ја испробам. На мајка ми многу ѝ се допадна, иако таа не сака вкусови со банана. Како што прочитав во еден од коментарите, оваа торта се прави со банани и бисквити, но може да се направи и со ресани. Јас немав ресани, па затоа ја подготвив со банани.
Изгледаше толку примамливо што решив да експериментирам и да пробам да ја направам со банани, наместо со ресани. Постапката беше едноставна, но никогаш не се знае каков резултат ќе добиете со доколку замените некоја од состојките. За среќа, оваа торта излезе совршена со бананите кои даваат освежителен вкус. Еве што ви е потребно:
ПОТРЕБНИ СОСТОЈКИ: 3 зрели банани, 200 г чоколадни какао бисквити, 1 литар млеко, 1 пудинг со вкус на ванила, 8 лажици какао, 8 лажици шеќер, 3 лажици пченкарен скроб, 100 г путер, какао по желба или нешто друго за наросување (може и ореви, кокос или некои други јатки).
ПОСТАПКА: Зрелите банани се идеални за овој вид на колач бидејќи се послатки. Се лупат, па се сечат на кругови. Се редат во плех со флексибилен обрач (по можност со дијаметар од 22 см или слична големина). Претходно калапот обложете го со најлонска фолија за да може полесно да го извадите од калапот.
Во подлабок сад истресете го пудингот, измешајте со какаото, шеќерот и пченкарниот скроб и измешајте со жица или маталка. Во меѓувреме во тенџере се загрева млекото, а откога ќе зоврие се додава мешавината од суви состојки и се меша додека да се формира густ прелив, со слична конзистентност на пудинг.
По соединување, тенџерето се трга од оган и се додава путерот, па се меша со рачна маталка додека да се растопи во смесата. Оставете го кремот малку да се олади, па додека е уште топол прелијте го врз бананите. Прелијте 2/3 од кремот, а преостанатата третина зачувајте ја за подоцна.
Измазнете го кремот, па наредете ги какао бисквитите, скршени или цели по ваша желба, како ви е полесно. На крајот се премачкува со преостанатата 1/3 од кремот и повторно добро се измазнува. Тортата се става да отстои во фрижидер минимум 1 час за добро да се стврдне, а доколку имате време, оставете ја подолго време.
По изминатото време, тортата се превртува на рамна чинија, така што одозгора ќе дојдат бананите, а потоа нежно се вади проѕирната фолија. Се наросува со какао или нешто друго по желба, а потоа се послужува. Деталите од целата постапка погледнете ги во видеото ОВДЕ.
