Гастроентерологот открива што не треба да јадете во популарните летни одморалишта за да избегнете стомачни проблеми.
Тој истакнува дека ваквата ситуација може да се избегне доколку на патувањето понесете со себе пробиотик, а треба да внимавате и на спецификите на исхраната на одредени земји.
„Еден пробиотик два пати на ден значи многу кога патувате, па пресметајте колку ќе ви треба“, вели д-р Перишиќ.
ГРЦИЈА
Д-р Перишиќ посочува дека во Грција треба да се избегнува месо, бидејќи често се замрзнува повеќекратно поради високите температури, поради што е загадено со бактерии.
„Туристите во Грција најмногу јадат гиро, а неговиот квалитет е многу дискутабилен. Се состои од месен отпад кој е слабо термички обработен и цел ден се врти на сонце, што не е хигиенско. Затоа во Грција е многу подобро да се јаде сувлаки, ражничи од чисто месо, кои се пржат на висока темература која бактериите изумираат“.
ЕГИПЕТ
Познат гастроентеролог вели дека во Египет никој не се ни обидува да пие вода од чешма, како и во другите делови на Африка и јужна Европа.
„Пијте само вода од шише, бидејќи бактериолошки неправилната вода може да предизвика сериозни болести. Исто така, избегнувајте многу зачинета храна, на која ние не сме навикнати“, вели Перишиќ.
ТУРЦИЈА
Докторот посочува дека туристите кои патуваат во Турција, каде особено се популарни оброците во стил на шведска маса, треба особено да внимаваат да не се прејадуваат.
„Треба да се избегнуваат и баклави, бидејќи тие долго се оставаат на топло. Наместо тоа, јадете свежи колачи и овошни салати. „Не пренатрупувајте ја чинијата, туку земајте пет помали оброци дневно“, вели д-р Перишиќ.
ЦРНА ГОРА
Морската храна подготвена на различни начини е еден од специјалитетите на црногорската кујна, но д-р Перишиќ вели дека треба да се избегнуваат.
„Морските плодови, особено школките, се најголемиот извор на токсини и патогени бактерии кои можат да предизвикаат сериозно гадење. Само добро измиените школки се погодни за конзумирање, но речиси и да нема гаранција дека готвачот пред да направи јадење од нив, ги исчистил правилно“, вели гастроентерологот.
